БОЖЕСТВЕННАЯ ЛИТУРГИЯ ПО ЧИНУ СВЯТАГО АПОСТОЛА ПЕТРА

Перед началом литургии, утром в назначенное время священнослужители, подготовившиеся накануне к совершению Божественной литургии, приходят в храм и, став пред царскими вратами, трижды осеняют себя крестным знамением, совершая три поклона, и читают входные, то есть приготовительные к совершению литургии, молитвы и проскомидию, по обычаю.

Если совершается проскомидия по чину литургии святителя Иоанна Златоустого, девятая частица изымается со словами:

В честь и память святаго первоверховнаго апостола Петра, егоже молитвами помилуй нас, грешных.

Возможно совершение проскомидии по чину IX века:

Священник принимает от диакона или иподиакона просфору на дискосе, берет копие и с его помощью наносит на просфору крест, говоря: «Яко овча на заколение ведеся, и яко агнец непорочен прямо стригущаго его безгласен…» Сказавши это, он кладет просфору на священный дискос и, указывая на нее, говорит: «…тако не отверзает уст Своих, во смирении Его суд Его взятся, род же Его кто исповесть? Яко вземлется от земли живот Его». Сказавши это, он берет священную чашу, и диакон, вливая в нее вино и воду, говорит: «и абие изыде кровь и вода. И видевый свидетельствова и истинно есть свидетельство его». Затем, поставив священную чашу на святой престол и указывая на сосуды, говорит: «Трие суть свидетельствующе: Дух, и вода, и кровь, и трие во едино суть ныне, и присно и вовеки».

Диакон берет кадильницу и, вложив в нее ладан, приносит к священнику, говоря:

Благослови, владыко, кадило. Господу помолимся.

Иерей читает молитву на кадило:

Владыко Господи Боже наш, сподобивый нас, смиренных и недостойных рабов Твоих, служителями быти святаго Твоего жертвенника. Очисти вся прегрешения наша и достойны нас сотвори наитием святаго Твоего Духа славити и пети трисвятое Имя Твое, еже внити с чистою совестию да сподобимся скончати Божественную Твою службу и принести Ти во святый и пренебесный Твой жертвенник кадило сие в воню благоухания духовнаго.
Ты бо еси освящение наше и просвещение, и Тебе славу возсылаем: Отцу и Сыну, и Святому Духу, ныне и присно и во веки веков.

Диакон: Аминь.

После покрывают сосуды, по обычаю.

Молитва предложения (молитва у жертвенника)

Иерей: Благослови, Господи Боже наш, предложение сие и подай нам, рабом Твоим, сердце чисто и помысл несмущен, яко да достойны обрящемся приити и причаститися Твоему пречистому Телу и Честныя Крови, и неосужденных нас сотвори предстати пред Тобою в день страшный и даруй нам оставление грехов и жизнь вечную.
Яко святися и прославися пречестное и великолепое имя Твое, Отца и Сына, и Святого Духа, ныне и присно и во веки веков.

Диакон: Аминь.

И творит отпуст проскомидии. Диакон кадит храм.
После окончания чтений диакон и священник покланяются перед престолом, затем диакон, получив благословение, открывает царские врата и выходит на амвон.

Диакон: Благослови, владыко!

Иерей: Благословено Царство, Отца и Сына и Святаго Духа, ныне и присно и во веки веков.

Певцы: Аминь. Единородный Сыне и Слове Божий, Безсмертен Сый, и изволивый спасения нашего ради воплотитися от Святыя Богородицы и Приснодевы Марии, непреложно вочеловечивыйся; распныйся же, Христе Боже, смертию смерть поправый, един Сый Святыя Троицы, спрославляемый Отцу и Святому Духу, спаси нас.

Малый вход с Евангелием.
Диакон перед Царскими вратами, положив Евангелие на плечо и возвысив руку с орарем: Помолимся!

Певцы: Господи, помилуй!

Иерей читает молитву входа: Благодателю всем и всякия твари Создателю, приими приходящих Ти в Твою святую церковь и всякому полезное исполни и приведи всех в совершение и достойны нас сотвори Царствия Твоего. Благодати ради освящения Твоего собери нас в святую Твою соборную и апостольскую Церковь, юже стяжа честною кровию Единороднаго Сына Твоего, с ним же благословен еси, и с Пресвятым, и Благим, и Животворящим Твоим Духом, ныне и присно и во веки веков.

Певцы: Аминь.

Диакон: Премудрость прости.

Певцы (или весь народ): Приидите, поклонимся и припадем ко Христу. Спаси Сыне Божий, во святых дивен сый, поющия Ти: аллилуиа.

Поются тропари и кондаки дня.

Иерей благословляет народ: Господь с вами.

Певцы: Аминь.

Диакон: Помолимся!

Певцы: Господи, помилуй!

Иерей: Молимся Ти, Господи, яко да уста наша исполнятся веселия и хвалы Твоея в радость Господа нашего Иисуса Христа, Сына Твоего. С Ним же живеши и царствуеши, Боже наш, в соединение Духа Святаго во вся веки веков.

Певцы: Аминь. И Великое славословие до слов «Во славу Бога Отца, Аминь».

Иерей: Кирие элеисон (трижды) попеременно с певцами.

Певцы: Кирие элеисон (трижды).

Иерей благословляет народ: Господь с вами.

Певцы: Аминь.

Диакон: Помолимся!

(Певцы: Господи, помилуй!)

Иерей, преклонившись, читает молитву:
Подай, Господи, верным рабом Твоим десницею Твоею с небесе помощь, яко да у Тебе всем сердцем полезных воспросят и их достойныя прошения просто да исправятся Господа ради нашего Иисуса Христа, Сына Твоего.

Громче: Яко Свят еси, Господи Боже наш, и Тебе славу и трисвятое пение возсылаем, Отцу и Сыну, и Святому Духу, ныне и присно и во веки веков.

Певцы: Аминь. И Трисвятое по обычаю.

Иерей, переходя с диаконом на Горнее место, негромко читает молитву: Владыко Господи Боже Вседержителю, Едине Святый, Иже от небесных сил трисвятую песнь приемляй. Приими и от уст наших грешных трисвятую песнь. И даруй нам вся лета живота нашего препроводити безгрешно.

После пения трисвятого, диакон: Вонмем.

Иерей: Мир всем.

Чтение Апостола и Евангелия, по обычаю.

После чтений (и проповеди) диакон произносит сугубую ектению, начиная с третьего прошения:

Помилуй нас, Боже, по велицей милости Твоей, молим Ти ся, услыши и помилуй.

Певцы: Господи, помилуй (трижды).

Еще молимся о Великом Господине и отце нашем Святейшем Патриархе КИРИЛЛЕ, и о Господине нашем Высокопреосвященнейшем (имя рек), и всей во Христе братии нашей.

Певцы: Господи, помилуй (трижды).

Еще молимся о Богохранимей стране нашей, властех и воинстве ея, да тихое и безмолвное житиé поживем во всяком благочестии и чистоте.

Певцы: Господи, помилуй (трижды).

Еще молимся о плодоносящих и добродéющих во святем и всечéстнем храме сем, труждáющихся, поющих и предстоящих людех, ожидающих от Тебе великия и богатыя милости.

Певцы: Господи, помилуй (трижды).

Иерей читает молитву:

Господи Боже наш! Прилежную сию молитву приими от Своих рабов и помилуй нас по множеству милости Твоея и щедроты Твоя ниспосли на нас и на всех людей Твоих, чающих еже от Тебе богатыя милости.

Громче: Яко милостив и человеколюбец Бог еси, и Тебе славу возсылаем, Отцу и Сыну, и Святому Духу, ныне и присно и во веки веков.

Певцы: Аминь.

Иерей: Мир всем.

Певцы: И духови твоему.

Диакон: Главы ваша Господеви приклоните.

Певцы: Тебе, Господи.

Иерей раскрывает антиминс и читает молитву главопреклонения:

Владыко животворче и добрых подателю, желанное и человеком блаженное упование – вечный живот Господа нашего Иисуса Христа! Сподоби нас, благий Господи, и сию Тебе божественную службу во освящение скончати в наслаждение будущего блаженства.

Громче: Яко да под державою Твоею всегда храними и в свете истины научихомся, и Тебе славу и благодарение возсылаем, Отцу и Сыну, и Святому Духу, ныне и присно и во веки веков.

Певцы: Аминь. И поют Херувимскую песнь. Совершается Великий вход, по обычаю. После входа диакон выходит на амвон и произносит:

Исполним молитвы наша Господеви, яко исполнилось небо и земля святыя славы Его.

Певцы: Господи, помилуй (трижды).

Иерей: Яко Бог смирению, милости и любви, и щедротам и человеколюбив еси, и единородный Твой Сын, и Дух Твой пресвятый, ныне и присно и во веки веков.

Певцы: Аминь.

Иерей: Мир всем.

Певцы: И духови твоему.

Диакон: Возлюбим друг друга целованием святым.

Иерей: Христос посреде нас!

Певцы: И есть, и будет!

После того, как все приветствуют друг друга, диакон произносит:

Премудрости Божией вонмем!

Все поют Символ веры.

Иерей тихо молится: В жертву Тебе, Господи, предложенное сие приношение освяти, егоже от нас благоприятно приими ради Господа нашего, Иисуса Христа Твоего, с Ним же живеши и царствуеши, Боже наш, в соединение Святаго Духа…

После окончания пения Символа громко: …во вся веки веков!

Певцы: Аминь.

Иерей, благословляя народ: Господь с вами!

Певцы: Аминь.

Иерей: Горе имеем сердца!

Певцы: Имамы ко Господу.

Иерей: Благодарение возсылаем Христу Богу нашему!

Певцы: Достойно и праведно.

Иерей молится прилежно:

Воистину достойно и праведно есть, подобно и спасительно Тебе присно и повсюду благодарение возсылати, Господи Святый, Отче Вседержителю, вечный Боже, Господа нашего Иисуса Христа родителю. Его же славят и хвалят ангели, покланяются господьствия, трепещут власти, небесныя силы, блаженнии серафими купно радостно служат. С ними же и наша гласы, да приятны Ти будут, молимся, молебное исповедание Тебе глаголюще,

Громче: Победную песнь поюще, вопиюще и глаголюще:

Певцы: Свят, Свят, Свят, Господь Сафаоф, исполнь небо и земля славы Твоея, осанна в вышних!

Иерей молится тихо: Тебе убо, Отче, ради Сына Твоего, Господа нашего Иисуса Христа смиренне молимся Твоему милосердию, яко да приятну имаши молитву нашу и непорочну.

Диакон: Аминь.

Иерей благословляет Дары: Сие приношение.

Диакон: Аминь.

Иерей с благоговением указывает десницей на престол: И сий святый жертвенник.

Диакон: Аминь.

Иерей: Моление Ти приносим о святей соборней апостольстей церкви Твоей, юже умири и сохрани, и соедини, окорми и свободи во всех концех земли.

Громко: В первых помяни, Господи, раб Твоих – Святейшего Патриарха Московского и всея Руси Кирилла и епископа нашего (имярек), их же даруй святым Твоим церквам в мире, целых, честных, здравых, долгоденствующих, исправляющих слово Твоея истины.

Певцы протяжно поют: И всех, и вся.

Иерей, тихо: Помяни, Господи, и наше смирение и недостоинство, и раб Твоих и рабыни Твоя и всех, округ предстоящих Ти, иже Тебе приносят сию жертву хваления о себе же и о своих гресех, об избавлении душ их, об уповании спасения и здравии их, животе и воскресении их предлагаем молитвы Тебе – превечному Богу живому и истинному.
Купно же и память чтем, во-первых, святыя и славныя и приснодевы Марии, родительницы Бога и Господа нашего Иисуса Христа, и блаженных апостол и ученик Твоих: Петра и Павла, Андрея, Иакова, Филиппа, Варфоломея, Матфея, Симона, Иуду, Фаддея, Матфея, Фомы, Марка, Луки, Лина, Клита, Климента, Сикста, Лаврентия, Хрисогона, Иоанна, Павла, Корнилия, Киприана, Космы и Дамиана, Илариона, Мартина, Иеронима, Герасима, Амвросия, Григория, Венедикта, Антония, Николы, Василия (тут вспоминаются и святые дня) и всех святых Твоих.

Их же молитвами и молением покрый нас кровом Твоим. Яко да всегда соблюдаеми будем помощию Твоею ради Иисуса Христа Господа нашего.

Сие убо приношение службы нашея иже от всех людей Твоих, молимся Ти, Господи, приятно приими, и прочая дни наши в мире пребывати сподоби нас и от грядущаго вечнаго осуждения нас избави и избранных Твоих стаду благоволи сочетатися, Иисуса Христа ради Бога нашего.

Сие же приносим Тебе, Богу, о всех и за вся, и молимся Ти – покрову Твоему благословенну и неописану быти над нами, благоприятну. И сподоби нам неосужденно прияти Тело и Кровь возлюбленнаго Сына Твоего, Господа нашего Иисуса Христа.

Иерей снимает покров с дискоса и Чаши и с многим благоговением прикасается к Животворящему Хлебу и тихо произносит:

Иже прежде единаго дне страдания Его взем хлеб на святых Своих руках и воздвиже очи Свои на небо и показа Тебе Богу и Отцу Своему всесильному. Тя благодаряще, благословил, преломил, дал святым своим учеником и апостолом, рекл:

Громко: Приимите и ядите от сего. Се есть Тело Мое, за вы ломимое в оставление грехом.

Певцы: Аминь.

Иерей молится тихо: Такожде и чашу по вечери прием на святых и пречистых руках Своих паки Тебе благодаряще, благословил и дал святым Своим учеником, рек:

Громко: Пийте от нея вси. Се бо есть в чаше кровь Моя – Новаго Завета таинство и вечныя вечери. Иже за вы и за многи изливаемая во оставление грехом.

Певцы: Аминь.

Снова покрывает святые сосуды покровом и продолжает тихо:

Сия елижды аще творите – в Мое воспоминание творите. Тем же поминающе, Господи, и мы, раби Твои и людие, святаго Христа Твоего, Господа же нашего и Бога блаженную страсть и еже от ада воскресение и иже на небеса славное восхождение,

Громко: Твоя от Твоих приносим Тебе о всех и за вся.

Певцы: Тебе поем, Тебе благословим, Тебе благодарим, Господи, и молим Ти ся, Боже наш.

Иерей молится тихо: Твоя от Твоих приносим единому Божеству Твоему от Твоих изобильных даров. Жертву чисту, хлеб святый в живот вечный и чашу спасения, Милостиве. Благосклонного посещения Твоего нас сподоби и сих приношение приими, якоже сподобил еси дары прияти отрока Твоего праведного Авеля и жертву патриарха Авраама и якоже Ти принесе первый священник Твой Мелхиседек святую Ти жертву, непорочно принесение, молимся и мили ся деем, всесильне Боже.

Целует святой престол и продолжает молиться тихо:

Повели, Господи, сия божественная служения действоватися рукою святаго ангела твоего в вышний жертвенник пред божественным лицем Твоим. И яко аще коюждо от жертвенника сего часть святую тела и крови Сына Твоего восприимем во всякое благословение небесное и благодати насытимся от Господа нашего Иисуса Христа.

Преклонив главу, иерей продолжает тихо:

Нас же грешных и недостойных раб Твоих, иже на множество щедрот Твоих и на милость Твою уповающих в чисте совести даровати сия сподоби ради Твоих святых апостолов и мучеников Иоанна славнаго пророка и предтечи и крестителя, Стефана, Матфея, Варнавы, Игнатия, Александра, Маркелина, Петра и святых мучениц Перпетуи, Агафии, Феклы, Параскевы, Ликии, Агнии, Киликии, Анастасии, Варвары, Иулиании, Екатерины, Евгении, Евпраксии и всех святых Твоих, ихже ради и наше предстояние не истяжи по делом нашим, но сочетай причту святых Твоих и оставления грехов сподоби ради Иисуса Христа, Господа нашего.

Снимает покров, берет Хлеб и знаменует им трижды святую Чашу, тихо говоря:

Его же ради сия вся, Господи, присно добрая подаваеши.

Полагает Хлеб на дискос, продолжая:

Свято твориши.

Диакон: Аминь.

Оживотворяеши.

Диакон: Аминь.

Благословляеши.

Диакон: Аминь.

Иерей кладет Хлеб на дискос

И подаваеши нам.

Иерей берет чашу и делает ею знамение креста над дискосом:

Сего ради да с нижними вышнии бывает, с ними же Тебе, Богу Отцу Всесильному купно и Духу Святому всякая честь во вся веки веков.

Диакон: Аминь.

Иерей громко: От иже божественнаго учения научихомся и от спасительных воспоминаний наказахомся, в смирении глаголем.

Все: Отче наш, Иже еси на Небесех! Да святится Имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь, и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Иерей громко: Яко Твое есть царство Отца и Сына, и Святаго Духа ныне и присно и во веки веков.

Иерей благословляет народ: Мир всем.

Певцы: И духови твоему.

Диакон: Главы наши Господеви преклоним.

Иерей молится тихо: Избави нас, молимся Господи, от всякаго зла бываемаго и настоящего. Молитвами святыя Богородицы и Приснодевы Марии, блаженных и славных апостолов Твоих и всех святых Твоих подай, Человеколюбче, мир в сердцах наших, яко да в покрове милости Твоей пребывающия от наших избавимся грехов и от всякаго мятежа обрящемся невреждени ради Господа нашего Иисуса Христа, Сына Твоего. С Ним же живешь и царствуешь, Боже наш, в единстве Святаго Духа.

Громче: Во вся веки веков.

Певцы: Аминь.

Иерей молится тихо: Вонми, Господи Иисусе Христе, Боже наш, от Святаго жилища Твоего и от престола славы Царствия Твоего и прииди во еже освятити нас, Иже горе со Отцем соседяй и зде нам невидимо спребываяй. И сподоби державною Ти рукою подати нам Пречистое Тело Твое и Честную Кровь, и нам и всем людем Твоим.

Диакон: Вонмем.

Иерей, воздвизая святой Хлеб: Святая святым!

Певцы или все: Един Отец Свят, Един Сын Свят, Един Дух Святый. Аминь.

Диакон с причтом, (вливая теплоту в Чашу): (Се,) Агнец Божий, вземляй грехи мира.

Певцы поют причастный стих дня.

Молитва перед причащением:

Скверная (моя) душа, и нечистые уста, и руце мерзостне, бренный язык и весь сам грешен аз и смирен, и непокаянен. Но Ты, Человеколюбче, Спасе отчаянным, пристанище бедствующим. Тебе молюся, призывающему грешных на покаяние.

Господи Боже, ослаби, остави, прости мне, грешному, прегрешения моя, вольная же и невольная, иже словом, иже делом, иже в разуме и в неразумии, иже в помысле соделах, вся мне прости, яко Благ и человеколюбец.

Молитвами святыя Богородицы и приснодевы Марии неосужденно сподоби мя прияти святаго и пречистаго Твоего дара во оставление грехов и в живот вечный, и в прощение лукавых моих согрешений и в просвещение заповедей Твоих.

Яко подобает Ти всякая слава честь и поклонение Отцу, и Сыну и Святому Духу, ныне, и присно, и во веки веков. Аминь.

Иерей преломляет святой Хлеб и причащается, тихо говоря:

Да не будет нам, Владыко, святая сия во грех, но во очищение грехов и в просвещение души и телу.

Иерей причащается от святой Чаши, тихо говоря:

Тело Твое святое, Господи, да будет мне в живот, и кровь Твоя честная сия во оставление грехом. На праведном Твоем суде сподоби мя стати одесную Тебе и да будет ми сие благодарение в радость и во исцеление души моей и телу.

Затем иерей и диакон выходят на амвон для причащения людей. Иерей возглашает: Со страхом Божиим и верою приступите.

Певцы: Благословен Грядый во Имя Господне, Бог Господь и явися нам.

Диакон: Господь с нами. Помолимся.

Иерей читает молитвы перед причащением и причащает народ. Хор поёт причастен дня.

Причастив всех, иерей благословляет Чашей людей и возглашает: Спаси Боже люди своя и благослови достояние Твое.

И относит Святые тайны на жертвенник.

Певцы: Да исполнятся уста наша хваления Твоего, Господи, яко да поем славу Твою, яко сподобил еси нас причаститися Святым Твоим, Божественным, Безсмертным и Животворящим Тайнам; соблюди нас во Твоей святыни, весь день поучатися правде Твоей. Аллилуиа, аллилуиа, аллилуиа.

Вернувшись к престолу, сворачивает антиминс, полагает на него Евангелие и молится тихо:

Молимся Ти, Господи, яко да сие причащение очистит нас от всяких соблазн тела и духа и небесных сотвори нас быти причастником ради Господа нашего Иисуса Христа, Сына Твоего, с ним же живеши и царствуеши, Боже наш, в соединении Святаго Духа во вся веки веков.

Громко, благословляя народ: Господь с вами.

Певцы: Аминь.

Диакон: С миром изыдем. Господу помолимся.

Певцы: Господи помилуй.

Иерей, выйдя за амвон, громко:

Владыко Господи Боже Вседержителю, иже не отлучаешися своих рабов никогда же и не презираешь душ Тебе молящихся, покой души рабов Твоих, всех православных христиан в райскую сладость в место благочестивых, оставляя им грехи иже в разуме и в неразумии содеянная ими, ихже преждереченной сладости сподоби.
Нас же в радости совокупи и оставление грехов подай же нам и соблюди ны молитвами Пречистыя Владычицы нашея Богородицы и Приснодевы Марии и небесных сил, святаго Иоанна Пророка, Предтечи и Крестителя, святых и славных апостолов и всех святых Твоих, иже от века Тебе угодивших.
Яко Ты еси благословляяй и освящаяй всяческая и тебе славу возсылаем, Отцу и Сыну и Святому Духу, ныне и присно и во веки веков.

Певцы: Аминь. И поют (попеременно с канонархом и/или народом) 33-й псалом. Диакон потребляет Дары.

Иерей после пения благословляет с амвона людей, читая молитву отпущения:

Благословен Господь Бог наш, яко пречистаго Его Тела и честныя Крови причаститися сподобил еси нас.
Той да благословит +, и сохранит +, и помилует + всех нас, прежде отшедших же от нас упокоит в лоне Авраама, Исаака и Иакова, молитвами Пречистыя Своея Матере, святаго всехвального и первоверховнаго апостола Петра и всех святых ныне и присно и во веки веков.

Певцы: Аминь.

(В праздник иерей вновь благословляет народ:

Благословение Господне на всех нас всегда: ныне и присно и во веки веков.

Если служит архиерей, то благословляет на три стороны:

Да благословит всех нас Всемогущий и Милосердный Бог: Отец +, Сын + и Дух Святый+ !

Певцы: Аминь.)

Диакон: Господу содействующу, совершишася божественная служба святаго и всехвального апостола Петра! С миром изыдем!

Все: Благодарение Богу!

И Многолетие по обычаю.

Иерей произносит слово напутствия и преподает молящимся напрестольный крест для лобызания.

***
Молитвая иная заамвонная:
Боже Всезрителю и сердцевидче! Иже ради причащения божественных, пречистых, безсмертных и животворящих Твоих Таин Твоему божественницы причастницы быхом естеству. Молимся Ти, да не отвратиши, да не оставиши, да не отлучиши, но всех, ихже требуем, подай нам. Недугующия исцели, в напастех избави, в скорбех утешай, в добродетелей и в терпении спомагай и всякого дарования изобилуй и вся на пользу прошения подавай в настоящем сем житии нам же, и всем людем Твоим. Сподоби же нас получити и безсмертнаго Царствия Твоего.
Ты бо еси податель всякого блага и Тебе славу возсылаем, Отцу и Сыну и Святому Духу, ныне и присно и во веки веков.
ПРИМЕЧАНИЕ

Данный текст представляет свод разных версий литургии св. ап. Петра, скомпилированный на основе опубликованных рукописей с добавлением обрядовых действий и ответов на возгласы из чина литургии свт. Иоанна Златоустого и некоторых элементов древнеримской богослужебной практики (финальное благословение).

При выборе того или иного варианта чтения я руководствовался ясностью текста, выбирая те церковнославянские слова и выражения, которые употребляются сегодня за богослужением, и избегал архаичных форм и темных словосочетаний.

Надеюсь, что эта теоретическая реконструкция древнего богослужебного чина позволит лучше понять дух евхаристического богослужения начала второго тысячелетия христианской эры.

Текст взят из следующих опубликованных в сети рукописей:

• Афонский список литургии св. апостола Петра
  Рукопись XVII века № 332 собрания библиотеки афонского монастыря Хиландар. Язык рукописи — сербский извод церковнославянского языка.
• Петербургский список литургии св. апостола Петра
  Рукопись XVI века Пог. 278 из Погодинского собрания Российской национальной библиотеки. Язык рукописи — славяно-русский.
• Киевский список литургии св. апостола Петра
  Рукопись XVII века Соф. 104(105) собрания библиотеки Киево-Софийского собора (фонд: № 312) Национальной библиотеки Украины. Язык рукописи — славяно-русский.

Источник рукописей — http://byzantinorossica.org.ru/ap_petr.html