Последование
Божественной Литургии
иже во святых отца нашего Иоанна,
архиепископа Константинопольскаго, Златоустаго

Вариант для миссионерских приходов, отредактированный
по 
трудам Архиепископа Ионафана (Елецких), иером. Амвросия (Тимрота) и В.В. Печатнова

Протесис

Войдя в алтарь, иерей с диаконом совершают два поклона пред престолом, снимает покрывало с него, целуют его, кланяются третий раз. Иерей возлагает на себя епитрахиль и северной дверью выходит из алтаря на солею, диакон — южной.

Диакон: Благослови, владыко.

Священник: Благословен Бог наш всегда, ныне и присно, и во веки веков.

Диакон: Аминь. Царю Небесный… Трисвятое по «Отче наш».

Священник: Яко Твое есть Царство, и сила, и слава, Отца и Сына и Святаго Духа, ныне и присно и во веки веков.

Диакон: Аминь. Помилуй нас, Господи, помилуй нас, всякаго бо ответа недоумеюще, сию Ти молитву, яко Владыке, грешнии приносим: помилуй нас.

Слава: Господи, помилуй нас, на Тя бо уповахом, не прогневайся на нас зело, и не помяни беззаконий наших, но призри и ныне, яко Благоутробен, и избави нас от враг наших. Ты бо еси Бог наш, и мы — людие Твои, вси — дела руку Твоею, и имя Твое призываем.

И ныне: Милосердия двери отверзи нам, Благословенная Богородице. Надеющиеся на Тя да не погибнем, но да избавимся Тобою от бед, Ты бо еси спасение рода христианскаго.

Потом, подойдя к иконе Христа Спасителя, снимают головной убор и молятся, читая тропарь:

Пречистому образу Твоему покланяемся, Благий, просяще прошения прегрешений наших, Христе Боже, волею бо благоволил еси плотию взыти на Крест, да избавиши, яже создал еси, от работы вражия. Тем благодарственно вопием Ти: радости исполнил еси вся, Спасе наш, пришедый спасти мир.

Сделав поклон иконе Спасителя, они целуют ее. Затем, подойдя к иконе Пресвятой Богородицы, совершают поклон иконе и также целуют ее, читая тропарь:

Милосердия сущи источник, милости сподоби нас, Богородице, призри на люди согрешившыя, яви, яко присно, силу Твою, на Тя бо уповающе, «радуйся» вопием Ти, якоже некогда Гавриил, Бесплотных Архистратиг.

Встают пред царскими вратами и преклоняют главы, иерей молится:

Господи, низпосли руку Твою с высоты святаго жилища Твоего и укрепи мя на предлежащую службу Твою, да неосужденно предстану страшному Престолу Твоему и безкровное священнодействие совершу. Яко Твоя есть сила и слава во веки веков. Аминь.

Ослаби, остави, прости, Боже, прегрешения наша, вольная и невольная, яже в слове и в деле, яже в ведении и не в ведении, яже во дни и в нощи, яже во уме и в помышлении — вся нам прости, яко Благ и Человеколюбец.

Затем они кланяются друг другу и, обратившись лицом к молящимся, кланяются им, делают по одному поклону клиросам, произнося:

Простите и благословите, отцы, братия и сестры.

И входят в алтарь, читая 8-13 ст. 5 псалма:

Вниду в дом Твой, поклонюся ко храму святому Твоему в страхе Твоем. Господи, настави мя правдою Твоею, враг моих ради исправи пред Тобою путь мой, яко несть во устех их истины, сердце их суетно, гортань их — гроб отверстый, языками своими льщаху. Суди им, Боже, да отпадут от мыслей своих, по множеству нечестия их изрини их, яко преогорчиша Тя, Господи. И да возвеселятся вси уповающии на Тя, во веки возрадуются, и вселишися в них, и похвалятся о Тебе любящии имя Твое. Яко Ты благословиши праведника Господи, яко оружием благоволения венчал еси нас.

В дни Недели Святой Пасхи и в отдание Пасхи после начального возгласа и троекратного «Христос воскресе…» читается: «Предварившыя утро…», «Во гробе плотски…», «Слава…Яко Живоносец…», «И ныне…Вышняго освященное…», «Пречистому Твоему образу…»; далее в обычном порядке.

Войдя в алтарь южной дверью, священнослужители трижды кланяются пред престолом, целуют Евангелие, Крест, престол. После этого диакон со стихарем и орарем, а иерей с подризником делают три поклона к горнему месту со словами:

Боже, очисти мя, грешнаго, и помилуй мя.

Диакон подходит к священнику и говорит ему, преклонив главу:

Благослови, владыко, стихарь со орарем.

Священник, благословляя каждую деталь облачения, произносит:

Благословен Бог наш всегда ныне и присно, и во веки веков.

Диакон: Аминь.

Иерей и диакон целуют крест на облачении, и облачаются, молясь:

На подризник (стихарь)
Возрадуется душа моя о Господе, облече бо мя в ризу спасения и одеждою веселия одея мя; яко жениху, возложи ми венец и яко невесту украси мя красотою.

Греческая молитва на двойной орарь:
Свят, Свят, Свят Господь Саваоф, исполнь небо и земля славы Твоея.

Греческая молитва на простой орарь:
Аще кто хощет среди вас больший быти, да будет вам слуга.

На правую поручь: 
Десница Твоя, Господи, прославилась в крепости, десная Твоя рука, Господи, сокрушила враги, и множеством славы Твоея стерл еси супостаты.

На левую поручь: 
Руце Твои сотвористе мя и создасте мя, вразуми мя, и научуся заповедем Твоим.

На епитрахиль: 
Благословен Бог, изливаяй благодать Свою на священники Своя, яко миро на главе, сходящее на браду, браду Аароню, сходящее на края одежды его.

На набедренник и палицу: 
Препояши меч Твой по бедре Твоем, Сильне, в совершенстве Твоем и красоте Твоей, и укрепись, и процветай и царствуй истины ради, и кротости, и правды, и наставит Тя дивно десница Твоя всегда ныне и присно, и во веки веков.

На пояс: 
Благословен Бог, препоясующий мя силою, и положивший непорочным путь мой: укрепил Он ноги мои, как у оленя, и на высоких поставил мя.

На фелонь: 
Священницы Твои, Господи, облекутся в правду, и преподобнии Твои радостию возрадуются всегда ныне и присно, и во веки веков.

Затем иерей омывает руки со словами:
Умыю в (воде) неповинности руце мои и обойду жертвенник Твой, Господи, еже услышати ми глас хвалы Твоея и поведати вся чудеса Твоя. Господи, возлюбил благолепие дома Твоего и место селения славы Твоея. Да не погубиши с нечестивыми душу мою и с убийцами жизнь мою: в их же руках беззаконие, десница их исполнилась мзды. Аз же незлобием моим ходих: избави мя, Господи, и помилуй мя. Нога моя встала на прямом пути, в церквах благословлю Тя, Господи.

Далее диакон зажигает на жертвеннике лампаду, ставит дискос (слева) и чашу (справа), а также копие, лжицу, покровцы, воздух, просфоры, вино и пр. Священник подходит к жертвеннику и с диаконом трижды кланяется пред ним, читая:

Боже, очисти мя, грешнаго, и помилуй мя, и тропарь Великого пятка:

Искупил ны от клятвы законныя (целует дискос),
честною Твоею Кровию, (целует чашу)
на Кресте пригвоздився (целует звездицу)
и копием прободся, (целует копие)
безсмертие источил еси человеком, Спасе наш, слава Тебе (целует лжицу).
Затем диакон тихо говорит: Благослови, владыко.
Священник возглашает: 
Благословен Бог наш всегда, ныне и присно, и во веки веков.
Диакон: Аминь.

Священник берет левой рукой большую просфору и троекратно крестообразно благословляет ее копием, трижды говоря: 
В воспоминание Господа, и Бога, и Спаса нашего Иисуса Христа.

(Для удобства допускается перевернуть просфору так, чтобы ее левая сторона была с правой стороны иерея). Иерей надрезает просфору с правой стороны ее (от себя — с левой) со словами: 
Яко овча на заколение ведеся.
надрезает с левой стороны (от себя — с правой), говоря: 
И яко Агнец непорочен, пред стригущими Его безгласный, тако не отверзает уст Своих.
Верхняя сторона просфоры надрезается со словами: 
По смирению Его суд от Него взятся.
Нижняя сторона надрезается со словами: 
Род же Его кто исповесть?
Диакон при каждом надрезании Агнца говорит «Господу помолимся», держа орарь в руке, как при чтении ектений. После надрезания просфоры диакон говорит: 
Возьми, владыко.
Священник надрезает просфору с нижней ее части и вынимает куб Агнца из надрезанной просфоры, произнося: 
Яко вземлется от земли жизнь Его.
И полагает его печатью вниз.
Диакон: 
Принеси в жертву, владыко.
При этих словах диакона священник делает по нижней стороне Агнца глубокий крестообразный надрез (немного не доходя до печати), говоря: 
Приносится в жертву Агнец Божий, взявший грехи мира, за жизнь мира и спасение.
Затем переворачивает Агнец печатью вверх и полагает в центр дискоса.

Диакон: Прободи, владыко.

Священник пронзает Агнец копием с правой Его стороны, говоря: 
Един от воин копием ребра Его прободе, и тотчас изыде кровь и вода, и видевый свидетельствовал, и истинно свидетельство его.

Диакон: Благослови, владыко, святое соединение.

Иерей благословляет соединение:

Благословенно соединение святых Твоих всегда, ныне и присно и во веки веков.
Получив благословение, диакон вливает в потир вино, соединенное с небольшим количеством воды. Священник, взяв вторую просфору, говорит: 
В честь и память Преблагословенныя Владычицы нашея Богородицы и Приснодевы Марии, Ея же молитвами приими, Господи, жертву сию в пренебесный Твой Жертвенник.
Вынув из просфоры частицу, священник кладет ее на дискос с правой стороны Агнца (от себя — с левой), около его середины, произнося: 
Предстала Царица одесную Тебе, в ризы позлащенные одеянная, преукрашенныя.
Священник, взяв третью просфору, произносит: 
В честь и память превеликих чиноначальников Михаила и Гавриила и всех небесных сил бесплотных.
и отделяет от просфоры первую пирамидообразную частицу, кладя ее на дискосе с левой стороны Агнца (от себя — с правой), ближе к верхней его части, начиная этой частицей первый ряд. Затем священник говорит: 
Честнаго славнаго Пророка, Предтечи и Крестителя Иоанна, святых славных пророков Моисея и Аарона, Илии и Елиссея, Давида и Иессея, святых трех отроков, и Даниила пророка, и всех святых пророков.
и отделив от просфоры вторую частицу, полагает ее ниже первой.
Далее священник говорит: 

Святых славных и всехвальных апостолов Петра и Павла и прочих всех святых апостолов.
и, отделив от просфоры третью частицу, полагает ее ниже второй, оканчивая ею первый вертикальный ряд частиц. Затем священник произносит: 
Иже во святых отец наших, святителей Василия Великаго, Григория Богослова и Иоанна Златоустаго, Афанасия и Кирилла, Николая Мирликийскаго, Петра, Алексия, Ионы, Филиппа и Ермогена Московских, Никиты, епископа Новгородскаго, Леонтия, епископа Ростовскаго, и всех святых святителей.
И, отделив четвертую частицу, полагает ее на одном уровне с первой частицей, начиная ею второй ряд. Потом священник говорит: 
Святаго апостола, первомученика и архидиакона Стефана, святых великих мучеников Димитрия Мироточивого, Георгия Победоносца, Феодора Тирона, Феодора Стратилата и всех святых мученик, и мучениц Феклы, Варвары, Кириакии, Евфимии и Параскевы, Екатерины и всех святых мучениц.
И, отделив пятую частицу, полагает ее ниже первой частицы второго ряда. Затем священник говорит: 
Преподобных и богоносных отец наших Антония, Евфимия, Саввы, Онуфрия, Афанасия Афонскаго, Антония и Феодосия Печерских, Сергия Радонежскаго, Варлаама Хутынскаго и всех преподобных отец; и преподобных матерей Пелагии, Феодосии, Анастасии, Евпраксии, Февронии, Феодулии, Евфросинии, Марии Египтяныни и всех святых преподобных матерей.
И, отделив шестую частицу, полагает ее ниже второй, заканчивая второй ряд. Продолжая, священник произносит: 
Святых и чудотворцев бессребреников Космы и Дамиана, Кира и Иоанна, Пантелеимона и Ермолая и всех святых бессребреников.
И, отделив седьмую частицу, полагает ее вверху, начиная ею третий ряд. Далее священник говорит: 
Святых и праведных Богоотец Иоакима и Анны и святаго (называется святой храма и дня), святых равноапостольных Мефодия и Кирилла, учителей Словенских, святых равноапостольных великаго князя Владимира и великия княгини Ольги и всех святых, ихже молитвами посети нас, Боже,
И, отделив восьмую частицу, полагает ее ниже первой третьего ряда. Обычно здесь поминаются и другие святые. Затем священник говорит: 
Иже во святых отца нашего Иоанна, архиепископа Константинопольскаго Златоустаго,
И, отделив девятую частицу, полагает ее в конце третьего ряда, заканчивая ею этот ряд.
Взяв четвертую просфору и вынимая первую большую частицу, священник говорит: 

Помяни, Владыко Человеколюбче, святейших патриархов православных и Великаго Господина и Отца нашего Святейшаго Патриарха КИРИЛЛА, и Господина нашего Высокопреосвященнейшаго …, и всякое епископство православных, честное пресвитерство, во Христе диаконство и весь священнический чин, всечестнаго отца нашего … с братией и прихожанами святаго храма сего, (зде начальствующих, учащих и учащихся) и всю братию нашу, яже призвал еси во Твое общение Твоим благоутробием, Всеблагий Владыко.
Вынимая вторую большую частицу из четвертой просфоры, священник произносит: Помяни, Господи, Богохранимую страну нашу и православных людей ея.
и потом, вынимая из нее и из малых просфор частицы, поминает живых членов Церкви с произнесением слов: 
Помяни, Господи, о здравии и спасении раба Божия, или рабов Божиих, (имя).
Пред тем, как вынуть из поданной на проскомидию просфоры частицу, священник по обычаю знаменует просфору крестообразно копием. Все вынутые о здравии частицы полагаются с нижней стороны Агнца, причем две из них — за Святейшего Патриарха и власти — полагаются выше остальных частиц, вынутых о здравии.
Взяв пятую просфору и вынимая из нее большую частицу, священник говорит:

О памяти и оставлении грехов святейших патриархов православных, и блаженных создателей святаго храма сего (в обители: святыя обители сея).
Тут священник поминает и рукоположившего его архиерея, если тот скончался. Из этой просфоры и из малых просфор священник вынимает частицы о упокоении почивших православных, произнося: 
Помяни, Господи, о упокоении и оставлении грехов раба Божия, или рабов Божиих, (имя).
Заканчивая поминовение, священник произносит: 
Помяни, Господи, и всех в надежде воскресения, жизни вечной и Твоего общения усопших православных отец и братии наших, Человеколюбче Господи.
Частицы из просфор об упокоении он полагает на дискосе, ниже частиц, вынутых за живых. Закончив поминовение усопших, священник снова берет четвертую просфору и вынимает из нее частицу за себя со словами: 
Помяни, Господи, и мое недостоинство и прости мне всякое согрешение, вольное же и невольное.
Диакон берет кадильницу и, вложив в нее ладан, подносит к священнику, говоря:
Благослови, владыко, кадило. Господу помолимся.
Священник, благословляя кадило, читает молитву: 
Кадило Тебе приносим, Христе Боже наш, в благоухание духовное, еже прием в пренебесный Твой Жертвенник, ниспосли нам благодать Пресвятаго Твоего Духа.
Диакон, держа кадило у жертвенника: Господу помолимся.
Священник, взяв развернутую звездицу, держит ее над кадилом так, чтобы она была окурена дымом кадильным, ставит ее на дискос, над Агнцем, говоря: 
И пришедши, встала звезда над местом, где был Младенец.
[По греческому обычаю вместо этого диакон говорит: 
Утверди, Владыка.
Священник ставит звездицу на дискос, говоря: 
Словом Господним небеса утвердишася и духом уст Его вся сила их.]
Диакон: Господу помолимся.
Священник окаживает над кадильницей первый покровец и, покрывая им дискос, говорит: 
Господь воцарися, в лепоту облечеся, облечеся Господь в силу и препоясася, ибо утвердил вселенную, и не поколеблется.
От начала уготован престол Твой, от века Ты еси. Возшумели реки, Господи, возвысили реки глас свой, вздымают реки волны своя, слышан глас вод многих. Дивны высокия волны морския, дивен в высотах небесных Господь. Откровения Твоя всегда верны. Дому Твоему подобает святыня, Господи, в долготу дней.
Диакон: 
Господу помолимся. Покрой, владыко.
Священник надносит над кадильницей второй покровец и покрывает им потир (чашу) со словами: 
Покрыла небеса добродетель Твоя, Христе, и хвалы Твоея исполнилась земля.
Диакон: 
Господу помолимся. Покрой, владыко.
Священник надносит над кадильницей воздух и, покрывая им вместе дискос и потир, произносит: 
Покрой нас кровом крыл Твоих, отгони от нас всякаго врага и супостата, умири нашу жизнь, Господи, помилуй нас и мир Твой и спаси души наши, яко Благ и Человеколюбец.
Затем священник кадит жертвенник трижды, говоря: 
Благословен Бог наш, сице благоизволивший (совершити спасение наше), слава Тебе.
Диакон каждый раз заканчивает молитву священника словами: 
Всегда, ныне и присно, и во веки веков. Аминь.
И кланяются трижды. Затем диакон произносит: 
О предложенных Честных Дарех Господу помолимся.
Священник читает молитву предложения: 
Боже, Боже наш! Пославший в пищу всему миру Небесный Хлеб — Господа и Бога нашего Иисуса Христа, Спаса и Избавителя, и Благодетеля, благословляющаго и освящающаго нас. Сам благослови приношение сие и приими его в пренебесный Твой Жертвенник. Помяни, яко Благ и Человеколюбец, принесших и ихже ради принесоша, и нас не осужденных сохрани во священнодействии Божественных Твоих Тайн. Яко святися и прославися пречестное и великолепое Имя Твое, Отца, и Сына, и Святаго Духа, ныне и присно, и во веки веков.

Диакон: Аминь.
Священник: Слава Тебе, Христе Боже, Упование наше, слава Тебе.
Диакон: Слава; и ныне. Господи, помилуй (трижды). Благослови.
Священник произносит краткий отпуст: 
(Воскресый из мертвых) Христос, истинный Бог наш, молитвами Пречистыя Своея Матере, иже во святых отца нашего Иоанна, архиепископа Константинопольскаго, Златоустаго, и всех святых, помилует и спасет нас, яко Благ и Человеколюбец.
Диакон: Аминь.

Принимает кадило, открывает завесу царских врат и кадит престол, обходя его со всех сторон и читая тихо: 
Во гробе плотски (кадит спереди престола), 
во аде же с душею, яко Бог (кадит престол с правой стороны),
в раю же с разбойником (кадит престол сзади), 
и на Престоле был еси, Христе, со Отцем и Духом (кадит престол с левой стороны), 
вся исполняяй, Несказанный (кадит спереди жертвенника).
Затем, читая 50-й псалом, кадит алтарь и весь храм.

Литургия Слова

После каждения священник и диакон становятся пред престолом и трижды кланяются перед ним со словами Боже, очисти мя, грешнаго. Затем священник, подняв руки, читает молитвы, а диакон стоит рядом, возвышая орарь, как во время ектений: 
Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, душы наша.
Слава в вышних Богу, и на земли мир, в человецех благоволение (дважды).
Господи, устне мои отверзеши, и уста моя возвестят хвалу Твою.
Затем священник целует Евангелие и престол, а диакон — престол.
[Со дня Святой Пасхи до ее отдания «Слава в вышних Богу…» предваряется чтением Тропаря Пасхи (трижды), а «Царю Небесный» читается только со Дня Святой Троицы.]
Далее диакон, склонившись перед священником и держа перед собой орарь тремя перстами правой руки, говорит: 

Время сотворити Господу. Владыко, благослови.
Священник, благословляя диакона, говорит: 
Благословен Бог наш всегда, ныне и присно, и во веки веков.
Диакон, получив благословение от священника, говорит: 
Помолися о мне, владыко.
Священник: Да направит Господь стопы твоя.
Диакон: Помяни мя, владыко святый.
Священник: Да помянет тя Господь Бог во Царствии Своем всегда: ныне и присно, и во веки веков.
Диакон произносит: Аминь. Поцеловав руку священника и поклонившись ему, он выходит на солею северными дверьми. Став против царских врат на амвоне, он трижды кланяется, молясь тайно: Господи, устне мои отверзеши, и уста моя возвестят хвалу Твою.
Диакон, воздев руку с орарем, произносит громко:
Благослови, владыко.
Священник, изображая Евангелием знак креста над антиминсом, произносит начальный возглас литургии:
Благословенно Царство Отца и Сына и Святого Духа, ныне и присно и во веки веков.
Хор: Аминь.

Диакон: В мире Господу помолимся.

Хор: Господи, помилуй. (На каждое прошение).

О свышнем мире и о спасении душ наших, Господу помолимся.

О мире всего мира, о благостоянии святых Божиих Церквей и соединении всех, Господу помолимся.

О святом храме сем и о входящих в него с верою, благоговением и страхом Божиим, Господу помолимся.

О Великом Господине и Отце нашем Святейшем Патриархе КИРИЛЛЕ, и о Господине нашем, Высокопреосвященнейшем …, честнем пресвитерстве, во Христе диаконстве, о всем причте и людех, Господу помолимся.

О Богохранимей стране нашей Российстей, властех, воинстве и страждущем народе ея, Господу помолимся.

О всечестнем отце нашем … с братией и прихожанами святаго храма сего, о зде начальствующих, учащих и учащихся, Господу помолимся.

О граде сем Саранске, всяком граде, стране и верою живущих в них, Господу помолимся.

О благорастворении воздухов, о изобилии плодов земных и временех мирных, Господу помолимся.

О плавающих, путешествующих, недугующих, страждущих, одиноких, плененных и о спасении их, Господу помолимся.

О избавитися нам от всякия скорби, гнева, беды и нужды, Господу помолимся.
Заступи, спаси, помилуй и сохрани нас, Боже, Твоею Благодатию.

Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга, и всю жизнь нашу Христу Богу предадим.

Хор: Тебе, Господи.

Иерей читает молитву первого антифона:

Господи Боже наш! Держава Твоя несказанна и слава непостижима, милость Твоя безмерна и человеколюбие неизреченно! Сам, Владыко, по благоутробию Твоему, воззри на нас и на святый храм сей и сотвори с нами и молящимися с нами богатыя милости Твоя и щедроты Твоя.

Возглас: Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков.

Хор: Аминь, и поёт первый антифон.
Диакон после пения:
 Паки и паки в мире Господу помолимся.
Хор: Господи, помилуй.
Заступи, спаси, помилуй и сохрани нас, Боже, Твоею благодатию.
Хор: Господи, помилуй.
Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга, и всю жизнь нашу Христу Богу предадим.
Хор: Тебе, Господи.

Иерей читает молитву второго антифона:
Господи Боже наш! Спаси люди Твоя и благослови достояние Твое, полноту Церкви Твоея сохрани, освяти любящих благолепие дома Твоего; Ты тех прослави Божественной Твоею силою и не остави нас, уповающих на Тебя.

Возглас: Яко Твоя держава и Твое есть Царство, и сила и слава, Отца и Сына и Святаго Духа, ныне и присно и во веки веков.

Хор: Аминь, второй антифон и Единородный Сыне …

Диакон произносит малую ектению.

Иерей читает молитву третьего антифона:
Господи, общия эти и согласныя даровавшый нам молитвы, и двум или трем, согласующимся о имени Твоем, прошение подати обещавшый! Сам и ныне рабов Твоих прошения к полезному исполни, подавая нам в настоящем веке познание Твоея истины и в будущем жизнь вечную даруя.

Возглас: Яко благ и Человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.

Хор: Аминь, и третий антифон.

Вход с Евангелием

Диакон, тихо: Господу помолимся.

Иерей читает молитву входа:

Владыко Господи, Боже наш, поставивший на небесах чины и воинства ангел и архангел в служение Твоея Славы! Сотвори со входом нашим входу святых ангелов быти, сослужащих нам и сославословящих Твою благость.

Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков. Аминь.

Диакон, тихо, на амвоне: Благослови, владыко, святый вход.

Иерей, тихо благословляя: Благословен вход святых Твоих, всегда, ныне и присно и во веки веков.

Диакон, делая знамение креста Евангелием, возглашает: Премудрость, прости, и входит в алтарь. 
Хор: Приидите, поклонимся … и поёт положенные тропари и кондаки.

Иерей целует иконы на Царских вратах, благословляет свещеносцев и заходит в алтарь, где читает молитву Трисвятого пения: 
Боже, Святый, Иже во святых почиваяй, Иже трисвятой песнью от Серафимов воспеваемый, и от Херувимов славословимый, и от всякия небесныя Силы поклоняемый; Иже от небытия в бытие приведший всяческая, создавший человека по образу Твоему и по подобию и всяким Твоим дарованием украсивший; дающий просящему премудрость и разум и не презирающий согрешающаго, но полагающий (ему) на спасение покаяние.

Сподоби и нас, смиренных и недостойных рабов Твоих, и в час сей стати пред славою Святаго Твоего Жертвенника и должное Тебе поклонение и славословие приносити! Сам, Владыко, приими и от уст нас, грешных, (Трисвятую) песнь и посети нас благостию Твоею, прости нам всякое согрешение, вольное же и невольное, освяти наша души и телеса и даждь нам в преподобии служити Тебе вся дни жизни нашея, молитвами Святыя Богородицы и всех святых, от века Тебе благоугодивших.

Диакон крестится на Горнее место, подходит к иерею и тихо испрашивает благословение: Благослови, владыко, время Трисвятаго (пения).

[По древнему обычаю священник, благословляя, произносит:
Благословен Бог, трисвятым гласом воспеваемый и от всякия небесныя силы славословимый всегда: ныне, и присно, и во веки веков.
Диакон [отвечает Аминь] и выходит на амвон, где перед иконой Спасителя произносит:
Господу помолимся.
Хор: Господи, помилуй.
Иерей: Яко Свят еси, Боже наш, и Тебе славу (и Трисвятую песнь) возсылаем, Отцу и Сыну и Святому Духу, ныне и присно,
(Диакон: Господи, спаси благочестивыя.
Хор: Господи, спаси благочестивыя.
Диакон: И услыши ны.
Хор: И услыши ны.)
Диакон, обводя народ орарем: и во веки веков.
Хор: Аминь, и поёт Трисвятое. В это время священнослужители также читают Трисвятое перед престолом и отходят на Горнее место, говоря:
Диакон: 
Повели, владыко.
Иерей: Благословен грядый во Имя Господне.
Диакон: Благослови, владыко, Горний Престол.
Иерей: Благословен еси на Престоле Славы Царствия Твоего, Седящий на Херувимех, всегда, ныне и присно и во веки веков.
Диакон после пения произносит: Вонмем.
Иерей благословляет: Мир всем.
Чтец Апостола: И духови твоему. И прокимен по обычаю.
Диакон:
 Премудрость.
Чтец: (Название книги) чтение.
Диакон: Вонмем.
Чтец читает Апостол, диакон совершает малое каждение.
После чтения иерей говорит чтецу:
 Мир ти.
Чтец: И духови твоему.
Диакон: Премудрость.
Чтец и хор поют: «Аллилуиа» трижды. 
Иерей читает молитву перед чтением Евангелия: 
Возсияй в сердцах наших, Человеколюбче Владыко, Твоего богоразумия нетленный Свет, и мысленные наши отверзи очи в разумение евангельских Твоих проповеданий. Вложи в нас и страх (перед Тобою, да не нарушим) блаженных Твоих заповедей, но, плотския похоти все поправше, духовно поживем, и мудрствующе, и деюще вся яже ко благоугождению Твоему.

Ты бо еси просвещение душ и телес наших, Христе Боже, и Тебе славу возсылаем, со Безначальным Твоим Отцем и Всесвятым и Благим и Животворящим Твоим Духом, ныне и присно и во веки веков. Аминь.

Диакон: Благослови, владыко, благовестителя святаго (славнаго) апостола и евангелиста (имя).
Священник, благословляя его, произносит: 
Бог, молитвами святаго, славнаго, всехвальнаго апостола и евангелиста (имя), да даст тебе, благовествующему, глагол и силу многую во исполнение Евангелиа Возлюбленнаго Сына Своего, Господа нашего Иисуса Христа.
Диакон: Аминь (, аминь, аминь. Буди ми по слову твоему).

Иерей или диакон: Премудрость, прости (или: станем благоговейно), услышим святаго Евангелиа. Мир всем.
Хор: И духови твоему.
Диакон: От (имя) святаго Евангелия чтение.
Хор: Слава Тебе, Господи, слава Тебе.
Иерей: Вонмем.
И читается Евангелие.
По окончании чтения хор поёт: 
Слава Тебе, Господи, слава Тебе.
Иерей произносит проповедь.

Диакон: Рцем вси от всея души, и от всего помышления нашего рцем.

Хор: Господи, помилуй.

Господи Вседержителю, Боже отец наших, молим Ти ся, услыши и помилуй.

Хор: Господи, помилуй.

Помилуй нас, Боже, по велицей милости Твоей, молим Ти ся, услыши и помилуй.
Хор: Господи, помилуй (трижды на каждое прошение).

Еще молимся о Великом Господине и Отце нашем Святейшем Патриархе КИРИЛЛЕ, и о Господине нашем Высокопреосвященнейшем (имя), и о всей во Христе братии нашей.

Здесь иерей разворачивает илитон и три стороны антиминса.

Еще молимся о Богохранимой стране нашей, властех, воинстве и страждущем народе ея, да тихое и безмятежное житие поживем во всяком благочестии и чистоте.

Еще молимся о братиях наших, священницех, священномонасех и всем во Христе братстве нашем.

Еще молимся о блаженных и приснопамятных святейших патриарсех православных, и создателях святаго храма сего, и о всех преждепочивших отцех и братиях, зде лежащих и повсюду, православных.

Еще молимся о милости, жизни, мире, здравии, спасении, посещении, прощении и оставлении грехов рабов Божиих, всечестнаго отца нашего (имя) с братией святаго храма сего, (о зде начальствующих, учащих и учащихся) и рабов Божиих (имена) и о еже умножитися им лета жития.

Дополнительные прошения Архиепископа Ионафана (Елецких):

Еще молимся о прекращении церковных раздоров и разделений силою и действием Святаго Духа.

Еще молимся о епископах, священниках и диаконах Христовых, да соблюдут обеты верности и послушания Матери Церкви, в рукоположении Богу ими принесенных.

Еще молимся о новых обильных и достойных призваниях ко священническому и монашескому служению в Церкви Христовой.

Еще молимся о единомыслии и взаимной любви во Христе прихожан святого храма сего.

Еще молимся о просвещении Светом истинного Богопознания увлеченных греховными расколами и об омраченных сектантскими заблуждениями и суеверными страхами.

Еще молимся Господу Богу об умягчении злых сердец, неправедно восстающих на нас и Церковь Православную.

Еще молимся об утверждении на всей Руси мира, покоя, согласия и праведного жития.

Еще молимся об укреплении благочестивых христиан в стране нашей, да нерушимо станут в твердом исповедании православной спасительной веры.

Еще молимся о благополучии и духовном процветании града нашего Саранска и живущих в нем православных христиан.

Еще молимся о страждущих, болящих, вдовствующих, одиноких, нищих, бездомных и сиротах, да исцелит их всещедрый Господь и поможет Своею благодатию.

Еще молимся о живущих в христианском супружестве и о благочадородии их.

Еще молимся о родителях, растящих детей своих в любви к Богу, Спасителю нашему, и ко Святой Церкви Христовой.

Еще молимся об отроках и отроковицах православных, да утвердятся во благонравии, и да сохранят свою духовную и телесную чистоту.

Последнее прошение ектении: Еще молимся о плодоносящих и добро деющих во святем и всечестнем храме сем, труждающихся, поющих и предстоящих людех, ожидающих от Тебе великия и богатыя милости.

Иерей: 
Господи, Боже наш! Прилежное это моление прими от Твоих рабов, и помилуй нас, по множеству милости Твоея, и щедроты Твоя низпосли на нас и на всех людей Твоих, чающих от Тебе богатыя милости.
Яко милостив и Человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Хор: Аминь.

Диакон: Помолитеся, оглашеннии, Господеви.
Хор: Господи, помилуй. (На каждое прошение.)

Вернии, об оглашенных помолимся, да Господь помилует их.
Огласит их словом истины.
Откроет им Евангелие правды.

Здесь иерей разворачивает верхнюю часть антиминса.

Соединит их Святей Своей, Соборней и Апостольстей Церкви.
Спаси, помилуй, заступи и сохрани их, Боже, Твоею благодатию.
(Оглашеннии,) главы ваша ко Господу приклоните.
Хор: Тебе, Господи.
Иерей, тихо: 
Господи Боже наш, на небесех живущий и на смиренныя взирающий. Спасение роду человеческому низпославый — Единороднаго Сына Твоего и Бога, Господа нашего Иисуса Христа! Воззри на рабов Твоих оглашенных, (приклонивших Тебе своя главы,) и сподоби их во время благополучное возрождающаго омовения, оставления грехов и одежды нетления, соедини их Святей Твоей Соборней и Апостольстей Церкви и сопричти их избранному Твоему стаду.

Громко, делая знак креста антиминсной губкой над антиминсом: 
Да и они с нами славят пречестное и великолепое Имя Твое, Отца и Сына и Святаго Духа, ныне и присно и во веки веков.

Хор: Аминь.

Диакон: Елицы оглашеннии, изыдите, оглашеннии, изыдите; елицы оглашении, изыдите.


Литургия Евхаристии

Диакон: Да никто от оглашенных, елицы вернии, паки и паки в мире Господу помолимся.
Хор: Господи, помилуй.
Диакон: Заступи, спаси, помилуй и сохрани нас, Боже, Твоею благодатию.
Хор: Господи, помилуй.
Диакон: Премудрость.
Иерей читает молитву верных первую тихо: 
Благодарим Тя, Господи Боже Сил, сподобившаго нас предстати и ныне святому Твоему Жертвеннику и припасти ко щедротам Твоим о наших грехах и о людских неведениях. Приими, Боже, моление наше, сотвори нас достойными быти, еже приносити Тебе моления и мольбы и Жертвы Безкровныя о всех людех Твоих. И удостой нас, ихже положил еси в службу Твою сию, силою Духа Твоего Святаго, неосужденно и непреткновенно, в чистом свидетельстве совести нашея призывати Тя на всякое время и место. Да, послушая нас, милостив нам будеши во множестве Твоея благости.

Громко: Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков.

Хор: Аминь.
Диакон: Паки и паки в мире Господу помолимся.
Хор: Господи, помилуй (на каждое прошение).
Заступи, спаси, помилуй и сохрани нас, Боже, Твоею благодатию.
Премудрость.

Иерей читает вторую молитву верных тихо: 
Паки и многажды Тебе припадаем и Тебе молимся, Благий и Человеколюбче, яко да, призрев на моление наше, очистиши наша души и телеса от всякия скверны плоти и духа. И даруй нам неповинное и неосужденное предстояние святому Твоему Жертвеннику. Даруй же, Боже, и молящимся с нами преспеяние жития и веры, и разума духовнаго. Даждь им, всегда со страхом и любовию служащим Тебе, неповинно и неосужденно причаститися Святых Твоих Таин, и Небеснаго Твоего Царствия сподобитися.

Громко: Яко да под державою Твоею всегда хранимые, Тебе славу возсылаем, Отцу и Сыну и Святому Духу, ныне и присно и во веки веков.
Хор: Аминь, и поет Херувимскую песнь.

Иерей, тихо: 
Никто не достоин из связавшихся плотскими похотьми и сластьми приходити, или приближаться, или служить Тебе, Царю славы; ибо служить Тебе — велико и страшно и самим Небесным Силам. Но по неизреченному и безмерному Твоему человеколюбию, непреложно и неизменно был еси Человек, и Архиерей нам был еси, заповедав нам совершать священнодействие этой Безкровныя Жертвы, как Владыка всех.

Ибо Ты един, Господи Боже наш, владычествуешь Небесными и земными, на Престоле Херувимском носимый, Серафимов Господь и Царь Израиля, Единый Святой и во святых почивающий.

Тебя убо молю, единаго Благаго и с милостию внимающаго: воззри на меня, грешнаго и непотребнаго раба Твоего, и очисти мою душу и сердце от помышлений лукавых, и удостой меня, силою Святаго Твоего Духа, облеченнаго благодатию священства, предстати святей Твоей сей трапезе и священнодействовати Святое и Пречистое Твое Тело и Честную Кровь.

Ибо к Тебе прихожу, приклонив главу мою, и молюся Тебе: не отврати лица Твоего от мене, и не отвевргни меня из числа служителей Твоих. Но сподоби мне, грешному и недостойному рабу Твоему, принести Тебе Дары сия.

Ибо Ты еси приносящий и приносимый, и приемлющий и раздаваемый, Христе Боже наш, и Тебе славу возсылаем, со Безначальным Твоим Отцем и Пресвятым и Благим и Животворящим Твоим Духом, ныне и присно и во веки веков. Аминь.

Священник и диакон с чтением 50-го псалма кадят алтарь и народ, затем перед престолом трижды с воздеянием рук тихо произносят Херувимскую песнь и отходят к жертвеннику.

Иерей кадит Дары, молясь: Боже, очисти мя, грешного.
Диакон: Возьми, владыко.

Иерей, возлагая на его плечо воздух: Возьмите святыню в руки ваши и благословите Господа.
И, взяв Святые Дары, выходят из алтаря на солею.

Диакон:
Великаго Господина и Отца нашего КИРИЛЛА, Святейшаго Патриарха Московскаго и всея Руси, и Господина нашего Высокопреосвященнейшаго (имя, титул), да помянет Господь Бог во Царствии Своем, всегда, ныне и присно и во веки веков.

Иерей: (Святейшия вселенския патриархи православныя,) преосвященныя митрополиты, архиепископы и епископы, весь священнический, диаконский и монашеский чин и весь причет церковный,

Всечестнаго отца нашего… с братией и прихожанами святаго храма сего, (зде начальствующих, учащих и учащихся),

Строителей, благоукрасителей, жертвователей святаго храма сего, труждающихся и поющих в нем,

Вас и всех православных христиан да помянет Господь Бог во Царствии Своем, всегда, ныне и присно и во веки веков.
Хор: Аминь. Яко да Царя …

Иерей, входит в алтарь. Диакон говорит ему:
Священство твое да помянет Господь Бог во Царствии Своем всегда: ныне, и присно, и во веки веков. Аминь.

Иерей, ставя Дары на престол и снимая покровцы, читает тропари: 
Благообразный Иосиф, с древа сняв пречистое Тело Твое, плащаницею чистою обвив и благоуханьми, во гробе новом, покрыв, положил.

Во гробе плотию, во аде же с душею, яко Бог, в Раю же со разбойником, и на Престоле был еси, Христе, со Отцем и Духом, вся исполняющий, несказанный.

Яко живоносный и Рая прекраснейший, воистину и чертога всякаго царскаго показался светлейший, Христе, гроб Твой, источник нашего Воскресения.

Иерей принимает у диакона воздух, держит его над кадилом и покрывает им Дары, говоря: 
Благообразный Иосиф, с древа сняв пречистое Тело Твое, плащаницею чистою обвив и благоуханьми, во гробе новом, покрыв, положил.

Затем иерей кадит дары, говоря: 
Ублажи, Господи, благоволением Твоим Сиона, и да созиждутся стены Иерусалимския; тогда благоволиши жертву правды, возношение и всесожегаемая, тогда возложат на олтарь Твой тельцы.

Затем иерей говорит диакону: 
Помолися о мне, брате и сослужителю.

Диакон:
Дух Святый найдет на тя, и сила Вышняго осенит тя.
Иерей: Тот же Дух содействует нам вся дни жизни нашея.
Диакон: Помяни и мя, владыко святый.
Иерей: Да помянет тя Господь Бог во Царствии Своем, всегда, ныне и присно и во веки веков.

Диакон отвечает: Аминь, и, выйдя на амвон, возглашает: 
Исполним молитву нашу Господеви.
Хор: Господи, помилуй (на каждое прошение). 
О предложенных честных Дарех, Господу помолимся.
О святем храме сем и о входящих в него с верою, благоговением и страхом Божиим, Господу помолимся.
О избавитися нам от всякия скорби, гнева, беды и нужды, Господу помолимся.
Заступи, спаси, помилуй и сохрани нас, Боже, Твоею благодатию.
Дне всего совершенна, свята, мирна и безгрешна, у Господа просим.
Хор: Подай, Господи (на каждое прошение) 
Ангела мирна, верна наставника, хранителя душ и телес наших у Господа просим.
Прощения и оставления грехов и прегрешений наших у Господа просим.
Добрых и полезных душам нашим и мира миру у Господа просим.
Прочее время жития нашего в мире и покаянии скончати у Господа просим.
Христианския кончины жития нашего, безболезненны, непостыдны, мирны, и добраго ответа на Страшнем Суде Христовом просим.
Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе, и друг друга, и всю жизнь нашу Христу Богу предадим.
Хор: Тебе, Господи.

Иерей тихо читает молитву приношения: 
Господи Боже Вседержителю, Едине Святе, принимающий жертву хваления от призывающих Тя всем сердцем!

Приими и нас, грешных, моление, и принеси ко Святому Твоему Жертвеннику, и удостой нас приносити Тебе дары и жертвы духовные о наших грехах и о людских неведениях; и сподоби нас обрести благодать пред Тобою, да будет благоприятной Тебе жертва наша, и да снидет благой Дух благодати Твоея на нас, и на предлежащия Дары сия, и на всех людей Твоих.

Громко: Щедротами Единороднаго Сына Твоего, с Нимже благословен еси, со Пресвятым и Благим и Животворящим Твоим Духом, ныне и присно и во веки веков.
Хор: Аминь.

Иерей: Мир всем.
Хор: И духови твоему.

Диакон: Возлюбим друг друга, в единомыслии исповедуя:
Хор: Отца и Сына и Святаго Духа, Троицу Единосущную и Нераздельную.

Иерей кланяется трижды перед престолом и тихо молится: 
Возлюблю Тя, Господи, крепосте моя, Господь утверждение мое и прибежище мое (трижды).

Иерей лобызает святые сосуды, читая Трисвятое, и приветствует всех словами: 
Христос посреде нас.

Все отвечают: И есть и будет.
Диакон: Двери, двери, премудрости вонмем.

Все поют Символ веры.

Диакон: Станем благоговейно, станем со страхом, вонмем, святое возношение в мире приносити.
Хор: Милость мира, жертву хваления.

Иерей: Благодать Господа нашего Иисуса Христа, и любовь Бога и Отца, и причастие Святаго Духа да будет со всеми вами.
Хор: И со духом твоим.

Иерей: Горе имеим сердца. (или Вознесем сердца.)
Хор: Имамы ко Господу.

Иерей: Благодарим Господа.
Хор: Достойно и праведно.

Иерей: 
Достойно и праведно Тебя воспевати, Тебя благословити, Тебя восхваляти, Тебя благодарити, Тебе покланятися на всяком месте владычества Твоего.

Ибо Ты Бог Неизреченный, Непознаваемый, Невидимый, Непостижимый, присно Существующий, вечно Неизменный Ты, и Единородный Твой Сын, и Дух Твой Святый.

Ты от небытия в бытие нас привел, и отпадших возставил паки и не отступил, вся творя, дондеже нас на Небо возвел и Царство Твое даровал еси будущее.

О сих всех благодарим Тебя, и Единороднаго Твоего Сына, и Духа Твоего Святаго о всех ведомых и неведомых благодеяниих, бывших на нас, явленных и неявленных.

Благодарим Тебя и о службе этой, которую от рук наших приняти изволил еси, аще и предстоят Тебе тысящи Архангелов и десятки тысящ Ангелов, Херувими и Серафими, шестокрилатии, многоочитии, возвышающиися, окрыленнии,

Громче, творя звездицей знак Креста над дискосом: 
победную песнь поюще, вопиюще, взывающе и глаголюще:
Хор: Свят, Свят, Свят Господь Саваоф…

Иерей: 
С сими блаженными Силами и мы, Владыко Человеколюбче, вопием и глаголем: Свят еси и Пресвят и великолепна слава Твоя. Ибо так возлюбил еси мир Твой, якоже Сына Твоего Единороднаго дал, да всякий верующий в Него не погибнет, но имеет Жизнь Вечную.

Иже пришед и все еже о нас промышление исполнив, в ночь, в которую предан был, паче же Сам Себя предавая в Жертву за жизнь мира, приняв хлеб во святыя Своя и пречистыя и непорочныя руки, благодарив и благословив, освятив, преломив, дал святым Своим ученикам и апостолам, возгласив:

Громче: 
приимите, ядите (или вкусите), сие есть Тело Мое, еже за вас ломимое (или преломляемое) во оставление грехов.
Хор: Аминь.

Иерей: 
Подобно и Чашу (взяв) после вечери, глаголя:

Возгласно: 
пийте от нея вси, сия есть Кровь Моя Новаго Завета, яже за вас и за многих изливаемая во оставление грехов.
Хор: Аминь.

Иерей: 
Вспоминая спасительную эту заповедь и вся, ради нас бывшая: Крест, Гроб, тридневное Воскресение, на Небеса восхождение, одесную седение, Второе и славное паки пришествие,

Возгласно: 
Твоя от Твоих Тебе приносяще о всех и за вся,

Хор отвечает: Тебе поем…

Иерей: Господи, Иже Пресвятаго Твоего Духа в третий час Апостолом Твоим низпославый, Того, Благий, не отыми от нас, но обнови нас, молящихся Ти ся. (Трижды) 
Диакон (после первого произнесения тропаря): Сердце чисто созижди во мне, Боже, и дух прав обнови в утробе моей.
Диакон (после второго произнесения тропаря): Не отвержи мене от лица Твоего и Духа Твоего Святаго не отыми от мене.)

Иерей: 
Еще приносим Тебе словесную эту и безкровную службу, и просим, и молим, и умоляем, низпосли Духа Твоего Святаго на нас и на предлежащия Дары сия

и сотвори убо Хлеб сей Честное Тело Христа Твоего,

благословляет Св. Хлеб, 
(Все: Аминь.)

Иерей: а еже в Чаши сей, Честную Кровь Христа Твоего,

благословляет Св. Чашу,
(Все: Аминь.)

Иерей: преложив Духом Твоим Святым,
благословляет Чашу и Дискос вместе.

Все: Аминь, аминь, аминь, и делают земной поклон.

Диакон к иерею: 
Помяни мя, святый владыко, грешнаго.

Иерей благословляет диакона: 
Да помянет тебя Господь Бог во Царствии Своем, всегда, ныне и присно и во веки веков.

Иерей продолжает молитву: 
Да будут Дары Твои причащающимся во трезвение души, во оставление грехов; в приобщение Святаго Твоего Духа, к полноте Царствия Небеснаго, в дерзновение к Тебе, не в суд или во осуждение.

Еще приносим Тебе словесную эту службу и о тех, кто в вере почил: праотцах, отцах, патриархах, пророках, апостолах, проповедниках, евангелистах, мучениках, исповедниках, постниках и о всяком духе праведном, в вере скончавшемся.

Иерей кадит перед Престолом и возглашает: 
Изряднее же о Пресвятей, Пречистей, Преблагословенней, Славной Владычице нашей Богородице и Приснодеве Марии.
Хор: Достойно есть… или Задостойник дня.

Иерей: 
О святем Иоанне Пророке, Предтече и Крестителе, о святых и всехвальных апостолех, о святем (имя), егоже и память совершаем, и о всех святых Твоих, ихже молитвами посети нас, Боже.

И помяни всех усопших в надежде на воскресение в Жизни Вечной (имена), и упокой их там, где всем сияет свет лица Твоего.

Еще молим Тя, Господи, помяни всякое епископство православных, верно проповедующих слово Твоея истины, всякое пресвитерство, во Христе диаконство и всякий священнический чин.

Еще приносим Тебе словесную сию службу о вселенней, о Святей, Соборней и Апостольстей Церкви, о всех, в чистоте и благочестивом жительстве пребывающих; о Богохранимей стране нашей Российской, властех и воинстве ея. Дай им, Господи, мирное правление, да и мы в тишине их тихое и безмятежное житие поживем во всяком благочестии и чистоте.

Громче: В первых помяни, Господи, Великаго Господина и Отца нашего КИРИЛЛА, Святейшаго Патриарха Московскаго и всея Руси, и Господина нашего Высокопреосвященнейшаго (имя, титул), ихже даруй святым Твоим Церквам в мире, целых, достойных, здравых, долгоденствующих, верно проповедующих слово Твоея истины.

[Диакон, в соответствии с греческим обычаем: И тех, о ком каждый из нас в помышлении молится, и о всех и за вся.]
Хор: И всех и вся.

Иерей: 
Помяни, Господи, град сей (имя), в немже живем, и всякий град и страну, и верою живущих в них.

Помяни, Господи, плавающих, путешествующих, недугующих, страждущих, одиноких, плененных, исцели и спаси их. Помяни, Господи, благодетелей и жертвователей наших и добро творящих во святых Твоих церквах и поминающих убогих (поминовение живых по диптихам) и на всех нас милости Твоя низпосли.

И даруй нам едиными устами и единым сердцем славити и воспевати Пречестное и Великолепое Имя Твое, Отца и Сына и Святаго Духа, ныне и присно и во веки веков.
Хор: Аминь.

Иерей: 
И да будут милости Великаго Бога и Спаса нашего Иисуса Христа со всеми вами.
Хор: И со духом твоим.

Диакон: Вся святыя помянувше, паки и паки в мире Господу помолимся.
Хор: Господи, помилуй.
Диакон: О принесенных и освященных Честных Дарех, Господу помолимся.
Хор: Господи, помилуй.
Диакон: Яко да Человеколюбец Бог наш, приняв их во святый, и пренебесный, и мысленный Свой Жертвенник, в благоухание духовное, возниспослет нам Божественную благодать и дар Святаго Духа, помолимся.
Хор: Господи, помилуй.
(Прочие прошения в современной греческой практике не читаются).

Диакон: Соединение веры и причастие Святаго Духа испросивше, сами себе, и друг друга, и всю жизнь нашу Христу Богу предадим.
Хор: Тебе, Господи.

Иерей: 
Тебе предлагаем жизнь нашу всю и надежду, Владыко Человеколюбче, и просим Тебя, и молим, и умоляем: сподоби нас причаститися Небесных Твоих и Страшных Таин, сея священныя и духовныя Трапезы, с чистою совестию, во оставление грехов, в прощение согрешений, во общение Духа Святаго, в наследие Царствия Небеснаго, в дерзновение к Тебе, не в суд или во осуждение.

И сподоби нас, Владыко, со дерзновением, неосужденно смети призывати Тебе, Небеснаго Бога, якоже Отца, и глаголати:

Хор и все молящиеся: Отче наш:

Иерей: 
Яко Твое есть Царство, и сила, и слава, Отца и Сына и Святаго Духа, ныне и присно и во веки веков.

Хор: Аминь.

Иерей: Мир всем.

Хор: И духови твоему.

Диакон: Главы ваша ко Господу приклоните.

Хор: Тебе, Господи.

Иерей: 
Благодарим Тебя, Царя Невидимого, неисчетною Твоею силою вся сотворившего и множеством милости Твоея от небытия в бытие вся приведшего. Сам, Владыко, с небесе воззри на преклонивших Тебе своя главы; не подклонили бо плоти и крови, но Тебе, внушающему трепет Богу.

Ты убо, Владыко, предлежащее всем нам ко благу изравняй, каждому по потребе: плавающим сплавай, путешествующим спутешествуй, недугующия исцели, Врачу душ и телес наших.

Благодатию, и щедротами, и человеколюбием Единороднаго Сына Твоего, с Нимже благословен еси, со Пресвятым и Благим и Животворящим Твоим Духом, ныне и присно и во веки веков.
Хор: Аминь (протяжно).

Иерей: 
Господи Иисусе Христе, Боже наш, на небесех со Отцем седящий и здесь нам невидимо спребывающий. Вонми от святаго жилища Твоего и от Престола славы Царствия Твоего и прииди освятити нас. И благоволи державною Твоею рукою преподати нам Пречистое Тело Твое и Честную Кровь, и через нас — всем людем.

(Закрываются царские врата и завеса.)

Иерей трижды кланяется пред престолом, тихо молясь: 
Боже, очисти мя, грешнаго.

Диакон: Вонмем.

Иерей: Святая святым.

Хор: Един Свят…, и поют причастен.
Диакон (в алтаре):
 Раздроби, владыко, Святый Хлеб.

Иерей разламывает Святой Хлеб по надрезу на четыре части и тихо произносит:
Раздробляется и разделяется Агнец Божий, раздробляемый и неразделяемый, всегда вкушаемый и никогда не истощаемый, но причащающихся освящающий.

Раскладывая части Святого Хлеба крестообразно на краях дискоса: Иисус Христос — Ника (или Победитель).

Диакон, указывая орарем на Чашу:
Исполни, владыко, Святый Потир.

Иерей берет Частицу «ИС» и, сделав ею знамение креста над Потиром, опускает в Потир, со словами:

Исполнение Духа Святаго.

Диакон: Аминь. Подносит ковшик с теплой водой к священнику, говоря: Благослови, владыко, теплоту.

Иерей, благословляя:

Благословенна теплота святых Твоих, всегда, ныне и присно и во веки веков. Аминь.

Диакон вливает теплоту в Потир, говоря:

Теплота веры, исполненная Духа Святаго. Аминь.

После этого священник берет часть Святого Хлеба с печатью «ХС» и разделяет ее на частицы по числу причащающихся священнослужителей.

Затем все они молятся:

Ослаби, остави, прости, Боже, прегрешения наша, вольная и невольная, яже в слове и в деле, яже в ведении и не в ведении, яже во дни и в нощи, яже во уме и в помышлении; яже в службе сей — вся нам прости, яко Благ и Человеколюбец.

После молитвы священнослужители кладут первый земной поклон перед престолом, кланяются друг другу, находящимся в алтаре и по направлению верующих, находящихся в храме, со словами:

Простите мя, отцы и братие (и сестры).

и снова творят земной поклон, говоря:

Се, прихожду к Безсмертному Царю и Богу моему.

Иерей: Диаконе, приступи.

Диакон, готовясь принять св. Хлеб:

Преподаждь ми, владыко, Честное и Святое Тело Господа и Бога и Спаса нашего Иисуса Христа.

Иерей: (Имя), священнодиакону, преподается Честное и Святое и Пречистое Тело Господа и Бога и Спаса нашего Иисуса Христа, во оставление грехов его и в Жизнь Вечную.

Иерей, взяв частицу Святого Хлеба, говорит:

Честное и Пресвятое Тело Господа и Бога и Спаса нашего Иисуса Христа преподается мне, иерею (имя) во оставление грехов моих и в Жизнь Вечную.

Священнослужители перед причастием молятся:

Верую, Господи, и исповедую, яко Ты еси воистину Христос, Сын Бога Живаго, пришедший в мир грешныя спасти, от нихже первый есмь аз. Еще верую, яко Сие есть самое Пречистое Тело Твое, и Сия есть самая Честная кровь Твоя. Молюся убо Тебе: помилуй мя, и прости ми прегрешения моя, вольная и невольная, яже словом, яже делом, яже ведением и неведением; и сподоби мя неосужденно причаститися Пречистых Твоих Таинств, во оставление грехов и в Жизнь Вечную.

Вечери Твоея Тайныя днесь, Сыне Божий, причастника мя приими; не поведаю врагам Твоим тайну сию, и лобзания Тебе не дам яко Иуда, но яко разбойник исповедаю Тя: помяни мя, Господи, во Царствии Твоем.

Да не в суд или во осуждение будет мне причащение Святых Твоих Таин, Господи, но во исцеление души и тела. Аминь.

Священник и диакон причащаются Св. Тела. Затем иерей произносит:
Се, паки прихожду к Безсмертному Царю и Богу моему.

Причащаясь из Потира, иерей молится:

Честныя и святыя Крове Господа и Бога и Спаса нашего Иисуса Христа причащаюся аз, раб Божий, священник (имя), во оставление грехов моих и в Жизнь Вечную. Аминь.

(Целует край Потира). Се прикоснулось устам моим, и отымет беззакония моя, и грехи моя очистит.

Так же причащается диакон. Затем священнослужители читают благодарственную молитву (см. ниже).

После этого священник разделяет части Святого Хлеба с печатью «Ни» и «Ка» для причащения мирян и опускает эти частицы в Потир, тихо читая:

Воскресение Христово видевше, поклонимся Господу Иисусу, Единому Безгрешному. Кресту Твоему покланяемся, Христе, и Святое Воскресение Твое поем и славим; Ты бо еси Бог наш, кроме Тебе иного бога не знаем, Имя Твое призываем. Приидите, вси вернии, поклонимся Святому Христову Воскресению, се бо прииде Крестом радость всему миру. Всегда благословяще Господа, поем Воскресение Его, распятие бо претерпев, смертию смерть разрушил.

Светися, светися, Новый Иерусалиме! Слава бо Господня на Тебе возсия. Ликуй ныне и веселися, Сионе! Ты же Чистая, прославься, Богородице, воскресением Рожденнаго Тобою.

О Пасха Велия и Священнейшая, Христе! О Мудросте, и Слове Божий, и Сила! Подавай нам истиннее Тебе причащатися в невечернем дне Царствия Твоего.

Открыв царские врата, диакон выносит Святую Чашу и возглашает:

Со страхом Божиим, верою и любовию приступите!
Хор: Благословен Грядый во Имя Господне…

Иерей читает молитву «Верую, Господи, и исповедую…» и, причащая мирян, говорит: 
Причащается раб Божий (имя) Честнаго и Святаго Тела и Крове Господа и Бога и Спаса нашего Иисуса Христа, во оставление грехов своих и в Жизнь Вечную.
Хор во время причащения поёт: «Тело Христово…»

После причащения священник произносит Аллилуия, и на престоле ссыпает с дискоса в Потир частицы, вынутые из просфор, произнося: 
Омой, Господи, грехи поминавшихся здесь Кровию Твоею Честною, молитвами святых Твоих.

Затем иерей благословляет народ, говоря: 
Спаси, Боже, людей Твоих и благослови достояние Твое.

Хор: Видехом Свет Истинный…

Иерей кадит Дары, отдает диакону Дискос и, тихо, творя Чашей знак креста над антиминсом, произносит:
Благословен Бог наш…

Осеняя в Царских вратах Чашей народ, возгласно: 
всегда, ныне и присно и во веки веков.

Затем иерей относит Чашу (и дискос) на жертвенник, тихо произнося:
Вознесися на Небеса, Боже, и по всей земли слава Твоя.

Хор: Аминь. Да исполнятся уста наша…

Диакон: Станем благоговейно! Приняв Божественные, Святые, Пречистые, Безсмертные, Небесные и Животворящие, Страшные Христовы Тайны, достойно благодарим Господа.

Хор: Господи, помилуй.

Диакон: Заступи, спаси, помилуй и сохрани нас, Боже, Твоею благодатию.

Диакон: День весь совершенный, святой, мирный и безгрешный испросивше, сами себя, и друг друга, и всю жизнь нашу Христу Богу предадим.

Хор: Тебе, Господи.

Иерей, обратившись к причастникам: 
Благодарим Тебя, Владыко Человеколюбче, Благодетелю душ наших, яко и в сей день сподобил еси нас Небесных Твоих и Безсмертных Таинств. Исправи наш путь, утверди нас всех во страхе Твоем, соблюди нашу жизнь, утверди наша стопы, молитвами и моленьми славныя Богородицы и Приснодевы Марии (святого дня) и всех святых Твоих.

Возвращаясь в алтарь и благословляя Евангелием сложенный антиминс: Яко Ты еси Освящение наше, и Тебе славу возсылаем, Отцу и Сыну и Святому Духу, ныне и присно и во веки веков.
Хор: Аминь.

Иерей: С миром изыдем.

Хор: О имени Господни.

Диакон: Господу помолимся.

Хор: Господи, помилуй.

Иерей (стоя за амвоном, лицом к алтарю): 
Благословляющий благословляющия Тебя, Господи, и освящающий на Тебя уповающих, спаси людей Твоих и благослови достояние Твое, полноту Церкви Твоея сохрани, освяти любящих благолепие Дома Твоего; Ты тех прослави Божественною Твоею силою, и не остави нас, уповающих на Тя. 
Мир миру Твоему даруй, Церквам Твоим, священникам, воинству и всем людем Твоим.

Яко всякое даяние благо, и всяк дар совершен свыше есть, сходяй от Тебе, Отца Светов; и Тебе славу, и благодарение, и поклонение возсылаем, Отцу и Сыну и Святому Духу, ныне и присно и во веки веков.

Хор: Аминь. Буди Имя Господне (трижды). Псалом 33-й.

Молитва иерея перед потреблением Святых Даров:
Исполнение закона и пророков, Сам сый, Христе, Боже наш, исполнивший все Отеческое промышление, исполни радости и веселия сердца наша, всегда, ныне и присно и во веки веков.

Иерей, потребив дары, благословляет народ:
Благословение Господне на вас, Того благодатию и человеколюбием, всегда, ныне и присно и во веки веков.

(Или греческий вариант: 
Благословение Господне и милость да приидет на вас, Того божественною благодатию и человеколюбием, всегда, ныне и присно и во веки веков. )
Хор: Аминь.

Иерей: Слава Тебе, Христе Боже, Упование наше, слава Тебе.

Хор: Слава, и ныне. Господи, помилуй (трижды). Благослови.

Иерей берет крест с престола и произносит на амвоне отпуст: 
(Воскресый из мертвых,) Христос, истинный Бог наш, молитвами Пречистыя Своея Матере, святых славных и всехвальных Апостолов, иже во святых отца нашего Иоанна, архиепископа Константинопольского, Златоустаго, и святаго (храма и святого дня), святых и праведных Богоотцев Иоакима и Анны и всех святых, помилует и спасет нас, яко Благ и Человеколюбец.
[И, по греческому чину, повернувшись к иконе Христа, говорит:
Молитвами святых отец наших Господи, Иисусе Христе, Боже наш, помилуй нас.]
Хор поёт (Аминь. Благословляющего и освящающего нас Господи, сохрани на многая лета!) и Многолетие.
Священник после отпуста, осенив напрестольным крестом народ и поцеловав крест, дает его для целования молящимся, а чтец читает благодарственные молитвы.
Затем священник опять осеняет крестом народ и возвращается в алтарь. Царские врата и завеса закрываются.

© 2009, игумен Силуан (Туманов)