1

Последование
Божественной литургии иже во святых отца нашего Григория Богослова,
Архиепископа Константинопольского

Перевод с греческого
Епископа ИЛАРИОНА (Алфеева)
в редакции игумена Силуана (Туманова)

Облачившись в священные одежды, священник готовит на жертвеннике Чашу, дискос со звездицей, два малых покровца, покров, копие, одну большую просфору и вино с водой.

Во время пения Великого славословия на агрипнии (т.е. краткой песненной утрени) (если агрипния не служится, или славословие не поётся, то священнослужители выходят на амвон при пении тропаря праздника или в молчании) священник с Евангелием в руках выходит за амвон (по бокам становятся 2 пономаря со свечами) и тихо читает молитву:

Посетивший нас милостию и щедротами, Владыко Господи Иисусе Христе, и даровавший нам дерзновение, смиренным и грешным, и недостойным рабом Твоим, предстати святому Твоему жертвеннику и приносити Тебе страшную сию и безкровную жертву о наших гресех и о людских неведениих, во оставление и упокоение преждепочивших отец наших и братии и во утверждение всего народа Твоего.

Призри на мя, непотребнаго раба Твоего, и изглади прегрешения моя Твоим благоутробием, и очисти моя уста и сердце от всякия скверны плоти и духа, и отгони от мене всякое помышление постыдное и неразумное, и удостой мя силою Всесвятаго Твоего Духа совершити службу сию, и приими мя по Твоей благости, приближающегося святому Твоему жертвеннику.

И благоволи, Господи, приятным быти приносимым Тебе даром сим от рук наших, снисходя нашим немощам. И не отвержи мене от лица Твоего, ниже возгнушайся моего недостоинства, но помилуй мя, Боже, по велицей милости Твоей и по множеству щедрот Твоих остави беззакония моя, яко да неосужденно приходя пред лице славы Твоея, удостоюся покрова Твоего и осияния Всесвятаго Твоего Духа.

И да не яко раб греха отвержен буду, но яко раб Твой обрету благодать и милость, и оставление грехов в нынешнем и будущем веке. Ей, Владыко Вседержителю, Всесильне Господи, услыши моление мое, Ты бо еси вся действуяй во всем, и от Тебе вси чаем во всем помощи и заступления.

После пения Славословия возгласно:

Яко человеколюбец еси и препрославлен Сый, Иисусе Боже наш, со Безначальным Твоим Отцем и со Святым Твоим Духом, ныне и присно и во веки веков.

Хор: Аминь, и поёт «Единородный Сыне…«

Вход Святых Писаний

Священник при пении «Единородный Сыне» входит через Царские врата в алтарь, полагает Св. Евангелие на престол и тихо читает молитву приготовления святаго жертвенника:

Владыко Господи Иисусе Христе Боже наш, спасительным пришествием Твоим и осиянием Всесвятаго Твоего Духа удостоивый нас, смиренных и грешных, и недостойных рабов Твоих, предстати святому Твоему жертвеннику и приносити и служити пречистым таинствам Новаго Твоего Завета.

Сам, животворче и благих подателю, сотвори знамение во благо и удостой нас в чистей совести служити Тебе во вся дни жизни нашей, и во освящении сию Ти божественную приносити службу, во оставление грехов и в предвкушение будущего блаженства.

Помяни, Блаже, Благодетелю, Царю веков и всея твари Содетелю, принесших и ихже ради принесоша, и нас неосужденных сохрани во священнодействии божественных Твоих таинств.

После пения «Единородный Сыне» возгласно:

Яко благословися и святися, и прославися всечестное и великолепое имя Твое, со Отцем и Святым Духом, ныне и присно и во веки веков.

Хор: Аминь.

Иерей благословляет народ: Миp всем.

Хор: И духови твоему.

Иерей: Господу помолимся.

Хор: Господи, помилуй.

Иерей (тихо) читает молитву св. Евангелия:

Владыко Господи Иисусе Христе Боже наш, Иже святым Твоим учеником и апостолом рекл еси, яко мнози пророцы и праведницы вожделеша видети, яже видите, и не видеша, и слышати, яже слышите, и не слышаша, ваша же блаженна очеса, яже видят, и уши, яже слышат.

Мы же да сподобимся ныне слышати и творити святое Твое Евангелие молитвами святых Твоих.

Помяни убо, Владыко, и ныне всех заповедавших нам недостойным поминати их в молениях наших и прошениях, яже воссылаем Ти, Господи Боже наш; преждескончавшияся упокой, недугующия исцели.

Возгласно: Ты бо еси жизнь и исцеление, и воскресение всех нас, и Тебе славу, честь и поклонение возсылаем, со Безначальным Твоим Отцем, и Всесвятым и Живоначальным, и Единосущным Твоим Духом, ныне и присно и во веки веков.

Хор: Аминь.

Иерей (или диакон): Премудрость.

Чтец читает заглавие паремии (если есть праздник).

Иерей (или диакон): Вонмем.

Чтец читает паремию (если есть праздник).

Иерей (или диакон): Премудрость.

Чтец читает прокимен дня. Хор поёт прокимен по обычаю.

Иерей (или диакон): Премудрость.

Чтец читает заглавие Апостола.

Иерей (или диакон): Вонмем.

Чтец читает Апостол.

Иерей: Мир ти, чтущему. Премудрость.

Чтец читает аллилуиарий. Хор поет Аллилуия. Диакон (или священник) кадит Евангелие и народ.

Иерей: Премудрость, станем благоговейно, услышим Святаго Евангелия. Мир всем.

Хор: И духови твоему.

Иерей: От (имя евангелиста) святаго Евангелия чтение.

Хор: Слава Тебе Господи, слава Тебе.

Диакон (или священник): Вонмем и читает Евангелие в Царских вратах лицом к народу (свещеносцы на амвоне).

После чтения Евангелия хор: Слава Тебе Господи, слава Тебе.

Иерей произносит проповедь. Затем возглашаетСтанем благоговейно, премудрость.

Хор (протяжно) поёт Херувимскую песнь:

Да молчит всякая плоть человеча и да стоит со страхом и трепетом, и ничтоже земное в себе да помышляет, Царь бо царствующих и Господь господствующих приходит заклатися и датися в снедь верным.

Во время пения Херувимской песни иерей тихо молится:

Никто не достоин от связавшихся плотскими похотьми и сластьми приходити или приближитися или служити Тебе, Царю славы, ибо служити Тебе велико и страшно и самим небесным силам. Но неизреченнаго ради и безмернаго Твоего человеколюбия непреложно и неизменно был еси Человек и Архиерей нам был еси, и служебныя сея и безкровныя жертвы священнодействие предал еси нам, яко Владыка всех.

Ты бо един, Господи Боже наш, владычествуеши небесными и земными. Иже на престоле херувимстем носимый, Иже серафимов Господь и Царь Израилев, Иже Един Свят и во святых почиваяй. Тя убо молю, единаго благаго и с милостию внимающего: призри на мя грешнаго и непотребнаго раба Твоего и очисти мою душу и сердце от совести лукавыя, и удостой меня силою Святаго Твоего Духа, облеченнаго благодатию священства, предстати святей Твоей сей трапезе и священнодействовати святое и пречистое Твое Тело и честную Кровь.

К Тебе бо прихожду, приклонив мою выю, и молютися, да не отвратиши лица Твоего от мене, ниже отринеши мене от отрок Твоих, но сподоби принесенным Тебе быти мною, грешным и недостойным рабом Твоим, даром сим.

Ты бо еси приносящий и приносимый, и приемлющий и раздаваемый, Христе Боже наш, и Тебе славу возсылаем, со Безначальным Твоим Отцем и Пресвятым и Благим, и Животворящим Твоим Духом, ныне и присно и во веки веков. Аминь.

После каждения алтаря и молящихся священник полагает Евангелие на горнее место Престола и раскрывает антиминс. Если Евангелие малого размера, то кладет его на середину Престола, корешком оклада к себе, и раскрывает антиминс так, чтобы верх его был положен на Евангелие.

Затем принимает кадило, кадит алтарь и молящихся, возвращается к жертвеннику, снова кадит его, отдает кадило.

Поклонившись, отделяет большим копием верхнюю часть большой просфоры с печатью и надрезает её крестообразно, для удобства последующего преломления. Полагает Хлеб на дискос, вливает в Чашу вино с водой, произнося: Господу помолимся. Диакон (или сам священник): Господи, помилуй.

Затем снова кадит жертвенник, покровцы и воздух, покрывает покровцами чашу и дискос, воздух повязывает диакону вокруг шеи и даёт ему дискос, сам принимает с жертвенника Чашу и исходит в предшествии свещеносцев с кадилом северными вратами, возглашая:

ДиаконВсех вас да помянет Господь Бог во Царствии Своем всегда, ныне и присно и во веки веков.

Священник: Всех вас да помянет Господь Бог во Царствии Своем всегда, ныне и присно и во веки веков.

Если диакона нет, то всё произносит сам священник и переносит Чашу и дискос сам.

Хор заканчивает песнь:

Аминь. Предходят же сему лица ангельстии со всяким началом и властию: многоочитии херувими и шестокрилатии серафими, лица закрывающе и вопиюще песнь: аллилуиа, аллилуиа, аллилуиа.

Иерей откладывает малые покровцы с сосудов и полагает их по передним краям Престола, кадит и покрывает сосуды воздухом, тихо читая молитву очищения:

Господи Боже наш, Вседержителю, ведый ум человеков, испытуяй сердца и утробы. Иже мене недостойнаго призвавый к сей службе Твоей, да не возгнушаешися мене, ниже лица Твоего отвратиши от мене, но очисти моя вся прегрешения и омый мою скверну телесную и скверну душевную, и всего мя освяти, да не како умоляя Тя дати оставление другим грехов, сам неискусен буду.

Ей, Господи, не отвратися от мене, смиреннаго и непотребнаго, но низпосли мне благодать Святаго Твоего Духа и удостой мя предстати Святому Твоему жертвеннику неосужденно, и приносити Ти словесное и бескровное приношение сие, с чистою совестию, в прощение моих грехов и прегрешений и во оставление народа Твоего неведений, во упокоение и отдохновение преждепочивших отец наших и братии, и во утверждение всего народа Твоего.

Возгласно: Во славу Твою, Отца и Сына и Святаго Духа, ныне и присно и во веки веков.

Хор: Аминь.

Иерей благословляет народ: Миp всем.

Хор: И духови твоему.

Иерей (тихо) читает молитву приветствия:

Сый и прежде Сый, и пребываяй во веки, Иже Отцу совечный и единосущный, и сопрестольный, и содетельный. Иже по единой благости от небытия во еже быти приведый человека и положивый его в раю сладости, лестию же врага и преступлением Твоея заповеди падшаго обновити хотяй, и к древнему возвести достоинству. Ни ангелам, ни архангелам, ни патриархам, ни пророкам наше вверил еси спасение, но Сам непреложно плоть был еси и вочеловечился, и во всем уподобился нам, разве единого греха.

Посредник нам был еси и Отцу, древнюю вражду разрушил еси, земная небесным сочетал еси и, обоя во едино собрав, воплощения исполнил еси домостроительство. И хотяй телесно вознестися на небо, божественнейше вся исполняя, святым Твоим учеником и апостолом Твоим сказал еси: «Мир оставляю вам, мир Мой даю вам».

И ныне мир сей даруй нам, Владыко, всякую очищая скверну, всякую лесть и всякую злобу, и коварство, и смертоносное памятозлобие, и удостой нас приветствовати (друг друга) во святем целовании, во еже причаститися неосужденно безсмертнаго и небеснаго Твоего дара, благодатию и человеколюбием Отца и содействием Святаго Духа.

Возгласно: Ты бо еси Податель и Раздаятель всех благих, и Тебе славу и непрестанное славословие возсылаем, со Безначальным Твоим Отцем и Святым Твоим Духом, ныне и присно и во веки веков.

Хор: Аминь (протяжно).

Сослужащие приветствуют друг друга братским целованием мира со словами «Христос посреде нас» и ответом «И есть, и будет».

Диакон (если его нет, то священник): Возлюбим друг друга.

Хор поёт на 7-й глас: Возлюблю Тя, Господи, крепосте моя, Господь утверждение мое и прибежище мое, и избавитель мой (Если есть целование Евангелия, то много раз, протяжно).

На праздничной или воскресной службе священник во время пения, покрыв руки покровом, выносит на амвон Святое Евангелие, и все верные по очереди подходят для целования Евангелия.

Диакон (если его нет, то священник): Двери, двери, премудрости вонмем.

Народ и хор поют (или читают) Символ веры. Иерей веет воздухом над сосудами, затем складывает его и кладет в сторону.

После пения диакон (если его нет, то священник): Станем добре.

Хор: Милость мира.

Иерей благословляет народ (с воздухом): Любовь Бога Отца и благодать Единороднаго Сына, Господа же и Бога, и Спаса нашего Иисуса Христа и причастие, и дар Святаго Духа да будет со всеми вами.

Хор: И со духом твоим.

Иерей, воздевая руки: Вознесем сердца.

Хор: Имамы ко Господу.

Иерей, преклоняясь перед иконой Спасителя: Благодарим Господа.

Хор: Достойно и праведно.


Святое возношение

Иерей: Воистину достойно и праведно есть Тя хвалити, Тя благословити, Тебе покланятися, Тя славити, Единаго истиннаго Бога, человеколюбиваго, неизреченнаго, невидимаго, невместимаго, безначальнаго, вечнаго, безлетнаго, безмернаго, непреложнаго, недоведомаго, Творца всяческих, Искупителя всех, очищающаго вся беззакония наша, исцеляющаго вся недуги наша, избавляющаго от истления жизнь нашу, венчающаго нас милостию и щедротами.

Тебя хвалят ангели, Тебе покланяются архангели, Тебе начала воспевают, Тебе господьствия возглашают, Тебе власти славу воздают, Тебе престоли хвалу возсылают, тысящи тысящ Тебе предстоят и тьмы тем Тебе службу приносят. Тебе поет невидимая, Тебе покланяется явленная, вся творящему словом Твоим, Владыко.

Диакон (если его нет, то священник не произносит): Седящии востаните!

Сый Боже, Господи истинный от Бога истиннаго. Иже Отца нам показавый сияние. Иже Святаго Духа истинное познание нам даровавый. Иже великое сие показавый жизни таинство. Иже со безтелесными человеков хоростояние утвердивый, Иже серафимом на земли заповедавший хваление, приими со невидимыми и наш глас. Сочетай нас небесным силам, рцем и мы с ними, всякое житейское помышление отложивше, возопием якоже тии, немолчными взывающе гласы, непрестанными усты Твое величествие воспоем.

Диакон (если его нет, то священник не произносит): На востоцы зрите!

Тебе бо предстоят окрест серафими, шесть крил единому и шесть крил единому, и двема убо покрывают лица своя, двема же ноги своя, и двема летают, и взывают един ко другому, победную песнь спасения нашего, со гласом славным, светлым гласом (делает звездицей знак креста над дискосом) песнословяще, поюще, вопиюще, славословяще, взывающе и глаголюще (откладывает звездицу вверх антиминса).

Диакон (если его нет, то священник не произносит): Вонмем!

Хор: Свят, свят, свят Господь Саваоф, исполнь небо и земля славы Твоея. Осанна в вышних, благословен Грядый во имя Господне, осанна в вышних.

Иерей: Свят, свят, свят еси, Господи, и пресвят. Изрядно Твоего существа сияние, неизреченна Твоея премудрости сила, никое же слово измерит Твоего человеколюбия пучину. Сотворил еси мя человека, яко Человеколюбец, не моего рабства ища, но аз паче требую Твоего владычества. Не существующего мя, по благоутробию в бытие привел, небо мне в покров дал еси, землю мне в подножие уставил, ради мене море укротил, ради мене естество животных показал, вся подчинил под ногама моима, ничесоже от дел Твоего человеколюбия лишил мя еси.

Хор: Господи, помилуй.

Иерей: Ты создал ecи мя и положил на мне руку Твою, Твоея власти во мне образ написав, слова божественный дар вложив, в сладость мне рай отверзл еси. Твоего познания научение передал еси, показал мне древо жизни, смерти же жало ведети научил еси, единаго ми древа вкушение запретил, от негоже единаго рекл ми не ясти. Аз же вкусил, закон нарушил, волею заповедь презрел и смерти приговор приял.

Хор: Господи, помилуй.

Иерей: Ты мя, о Владыко, от проклятия избавил, и яко Пастырь добрый к заблудшим пришед, яко Отец истинный мне падшему соболезнуя, всякия к жизни врачевства подал еси.

Сам ми пророков послав, мене ради недугующаго закон в помощь дал еси. Сам ми послужил. Свет заблудшим возсияв, неведущих посетил и в девственную вселился утробу. Творец неба и земли, не похитил звание Божественное, Бог Сый, но Себе умалил, образ раба приим, мое же в Себе естество благословив, вместо мене закон исполнил, падения моего восстание совершив. Дал во аде держимым оставление грехов, проклятие закона отгнал, во плоти грех упразднил. Твоея власти мне могущество открыв, слепым прозрение дал еси. Мертвых от гробов воскресив, глаголом естество исправил еси. Твоего благоутробия мне домостроительство показав, от лукавых насилие претерпел еси, плещи Своя дал на раны, ланита же Своя подставил на заушения, не отвратил еси лица Твоего от стыда заплеваний.

Хор: Господи, помилуй.

Иерей: Яко овча на заколение шел еси, даже до креста о мне попечение показал ecи. Твоим погребением мой грех умертвил еси, на небеса мой начаток возвел еси. Твоего пришествия мне обетование даровав, в немже хощеши приити судити живым и мертвым и воздати каждому по делом его.

Хор: Пo милости Твоей, Господи.

Иерей: Сего моего освобождения приношу Ти образы, глаголов Твоих восписую дела. Ты ми таинственное сие предал еси Плоти Твоея в хлебе и вине причастие.

Хор: Веруем.

Иерей: В нощь, в нюже предаяше Сам Себе Своею властию,

Хор: Веруем.

приняв хлеб во святыя Твоя и пречистыя и непорочныя руки (берет Св. Хлеб в руки), воззрев в горняя к Самому Твоему Отцу, Богу нашему и Богу всяческих, (крестообразно знаменует Хлебом дискос)благодарив, благословив, освятив, преломив, (кладет Хлеб на дискос) дал святым Твоим ученикам и апостолам, рек: ПРИИМИТЕ, ЯДИТЕ, СИЕ ЕСТЬ ТЕЛО МОЕ, ЕЖЕ ЗА ВЫ И ЗА МНОГИЯ ЛОМИМОЕ И РАЗДАВАЕМОЕ ВО ОСТАВЛЕНИЕ ГРЕХОВ; СИЕ ТВОРИТЕ В МОЕ ВОСПОМИНАНИЕ.

Хор: Аминь.

Иерей: И после вечери приняв чашу (берет в руки Св. Чашу) и исполнив ю от порождения лознаго и от воды, (делает небольшое знамение креста Чашей и ставит её на престол) благодарив, благословив, освятив, дал святым Своим ученикам и апостолам, рек: ПИЙТЕ ОТ НЕЯ ВСИ, СИЯ ЕСТЬ КРОВЬ МОЯ, НОВАГО ЗАВЕТА, ЯЖЕ ЗА ВЫ И ЗА МНОГИЯ ИЗЛИВАЕМАЯ ВО ОСТАВЛЕНИЕ ГРЕХОВ; СИЕ ТВОРИТЕ В МОЕ ВОСПОМИНАНИЕ. ВСЯКИЙ РАЗ, ЕГДА ВКУШАЕТЕ ХЛЕБ СЕЙ, И ПИЕТЕ ЧАШУ СИЮ СМЕРТЬ МОЮ ВОЗВЕЩАЕТЕ И ВОСКРЕСЕНИЕ МОЕ ИСПОВЕДУЕТЕ, В ОЖИДАНИИ ПРИШЕСТВИЯ МОЕГО.

Хор: Смерть Твою, Господи, возвещаем и воскресение Твое исповедуем.

Иерей: Сего ради, Владыко, воспоминая еже на землю снисхождение, животворную смерть, тридневное Твое погребение, еже из мертвых Воскресение, на небеса восхождение и одесную Отца седение, и будущее с небес второе и страшное, и славное Твое пришествие (поднимает сосуды скрещенными руками над Престолом) ТВОЯ ОТ ТВОИХ ДАРОВ ТЕБЕ ПРИНОСИМ О ВСЕХ И ЗА ВСЯ, И ВО ВСЕХ (ставит сосуды на Престол).

Хор: Тебе поем, Тебе благословим.

Диакон (если его нет, то священник не произносит): Приклонитесь Богу со страхом.

Иерей: Сам убо, Господи, Твоим гласом предлежащия преложи. Сам сый таинственныя сея службы исправление. Сам нам Твоего служения память сохрани. Сам Духа Твоего Всесвятаго низпосли, яко да пришедый святым и благим и славным Твоим присутствием, освятит и преложит предлежащия честныя и святыя Дары сия в Самое Тело и Кровь нашего искупления.

Хор: Аминь.

Диакон (если его нет, то священник не произносит): Вонмем.

Иерей, благословляя Св. Хлеб: И сотворит убо хлеб сей яко да будет во святое Тело Твое, Господа же и Бога и Спаса и Всецаря нашего Иисуса Христа, во оставление грехов и в жизнь вечную от него причащающимся.

Хор: Аминь.

Иерей, благословляя Св. Чашу: Чашу же сию честную Твою Кровь Новаго Завета Твоего, Господа и Бога и Спаса и Всецаря нашего Иисуса Христа, во оставление грехов и в жизнь вечную от нея причащающимся.

Хор: Аминь.

Диакон (или священник) произносит ектению:

Тя молим, Христе Боже наш.

Хор (плавно, на каждое прошение): Господи, помилуй.

Диакон (или священник):

Церкви Твоея, Господи, основания утверди.

Любви в нас единомыслие вкорени.

Веры истину умножи.

Благочестия Твоего нам путь благоуправи.

Пастырей укрепи.

Пасомых утверди.

Даждь клиру благонравие.

Монахам воздержание.

Сущим в девстве целомудрие.

Сущим в честнем браке благожизние.

Кающимся милость.

Богатым благость.

Нищим помощь.

Старых укрепи.

Юных уцеломудри.

Неверных обрати.

Укроти раздоры Церквей.

Еpeceй разори гордыню.

Всех нас в Твоего благочестия единомыслие сочетай.

Иерей: Помяни, Господи, мир, святыя соборныя и апостольския Церкви, яже от конец до конец вселенныя, и яже в них православныя епископы, право правящия слово Твоея истины. Помяни, Господи, святейшия и блаженнейшия архиереи наша и Великаго Господина и Отца нашего, Святейшаго Патриарха Московскаго и всея Руси КИРИЛЛА, и Архиепископа нашего (имя) , протоиерея (имя) , зде начальствующих, учащих и учащихся.

Хор: Господи, помилуй.

Иерей: Помяни, Господи, благочестивыя правители страны нашея Российския. Помяни, Господи, яже в палате братию нашу, верную и православную, и все воинство. Помяни, Господи, приносящих святыя дары сия, и о нихже и имиже принесоша, и мзду небесную подаждь всем им.

Помяни, Господи, иже в горах и вертепех, и пропастех земных, и иже в пленении сущих братии наших, и мирное возвращение ко своим даруй.

Диакон (если его нет, то священник не произносит): Помолимся о плененных.

Иерей, приклонив голову, произносит: Помяни и рабов Твоих (имена) и молится о здравии по диптихам.

Хор: Господи, помилуй. (трижды, протяжно, пока не закончится поминовение).

Иерей после чтения поминовений тихо произносит: Помяни, Господи, и мою осужденную и несчастную душу, смирение мое, и прости ми вся моя прегрешения, и идеже умножися грех, да изобилует благодать Твоя.

Возгласно: Яко народ Твой и Церковь Твоя молит Тя, и чрез Тебя и с Тобою Отца, глаголюще:

Хор: Помилуй нас, Боже, Спасителю наш.

Иерей: Помилуй нас, Боже, Спасителю наш.

Хор: Господи, помилуй (трижды).

Иерей: Помяни, Господи, воздух и плоды земли. Помяни, Господи, соразмерное восхождение речных вод. Помяни, Господи, дожди и сеяния земли. Возвесели паки и обнови лице земли. Бразды ея упои, исполни жита ея, представи нам сия в сеяние и в жатву, и ныне, благословляя, благослови, жизнь нашу соблюди.

Благослови венец лета благости Твоея, нищих ради народа Твоего, вдовицы ради и сироты, странника ради и пришельца, нас ради всех, на Тебя надеющихся и призывающих имя Твое святое.

Очи всех на Тя уповают, и Ты даеши им пищу во благовремение. Сотвори с нами по благости Твоей, даяй пищу всякой плоти. Исполни радости и веселия сердца наша, яко да во всем всегда всякое самодовольство имуще, избыточествуем во всякое дело благое, творити волю Твою святую.

Хор: Господи, помилуй.

Диакон (если его нет, то священник): Даруй народу Твоему единомыслие.

Хор (плавно, тихо, на каждое прошение): Господи, помилуй.

Диакон (если его нет, то священник): Миpy благостояние.

Воздуху благорастворение.

Недугующим спасение.

Нуждающимся отдохновение.

Сущим в изгнании оставление.

Слепым помощь.

Вдовицам заступление.

Скорбящих утеши во благо.

Стоящих укрепи.

Падших возстави.

Восставших утверди.

Усопших помяни.

Согрешивших и покаявшихся сопричти верным Твоим.

Верных сопричти мучеником Твоим.

Сущих в месте сем подражателями ангелов соделай. И нас, недостойных, Твоею благодатию к Твоему призванных служению приими.

Хор: Господи, помилуй.

Иерей: Помяни, Господи, град сей (имя) и иже в православней вере живущих в нем, и всякий град и страну, со всем миром их. И избави нас от губительства и глада, землетрясения и потопа, огня и пленения варварскаго, и от чуждых мечей и от восстания врагов же и еретиков.

Хор: Господи, помилуй.

Иерей, кадя пред престолом: Помяни, Господи, преждепочивших преподобных отец наших православных епископов и всех от века Тебе благоугодивших отцев, праотцев, апостолов, пророков, проповедников, евангелистов, мучеников, исповедников и всякий дух праведный, в вере Христовой скончавшийся.

Изрядно Пресвятую, Преславную, Пречистую, Преблагословенную Владычицу нашу Богородицу и Приснодеву Марию.

Хор с народом: Богородице Дево, радуйся, благодатная Марие, Господь с Тобою. Благословенна Ты в женах, и благословен Плод чрева Твоего, яко Спаса родила еси душ наших.

Иерей: Святаго славнаго пророка, Предтечу, Крестителя и мученика Иоанна, святаго Стефана перводиакона и первомученика, святых и блаженных апостолов, и евангелистов, и иже во святых отца нашего Григория Богослова, и ихже во днешний день память творим (имена их), и всякий лик святых Твоих, ихже молитвами и молениями и нас помилуй и спаси имене Твоего ради святаго, призываемаго от нас.

Помяни, Господи, преждеусопшия в православней вере отцы и братия, и сестры наша (имена) (здесь с каждением читаются заупокойные ДИПТИХИ) и упокой души их с преподобными и праведными.

Хор, на 6-й глас во время поминовения: Ослаби, остави, прости.

Иерей: Воскорми, собери их в месте злачне, на воде упокоения, в рае сладости ихже рекохом имена их. Помяни, Господи, ихже помянухом и ихже не помянухом, верных и православных, с нимиже и нас, яко Благий и Человеколюбец Бог. Ты бо еси Бог наш милостивый, не хотяй смерти грешника, но еже обратитися и живу быти ему.

(Отдает кадило пономарю.)

Боже, посети нас во спасении Твоем, сотвори с нами по благости Твоей, творяй преизобильно, яже просим или помышляем.

Яко да и в сем, якоже и во всем прославится и вознесется, и восхвалится, и благословится, и святится всесвятое и честное, и благословенное имя Твое, вкупе со пречистым Твоим Отцем и Святым Духом.

Хор: Яко был и есть, и будет.

Иерей благословляет народ: Мир всем.

Хор: И духови твоему.

Начало преломления

Иерей: Иисусе Христе, спасительное имя, Иже божественныя и пречистыя, и небесныя сия таинства уставивый, Иже иереев в чин служителей поставивый, невидимою же силою Твоею сия пременивый. Иже чистым сердцам являяйся и поистине приближитися к Себе позволяяй,
Иже тогда благословивый, и ныне благослови.
Иже тогда освятивый, и ныне освяти.
Иже тогда преломивый, и ныне напитай.
Иже тогда преподавый Себе Самаго учеником и апостолом, и ныне раздай нам и всему народу Твоему, Человеколюбче, Вседержителю, Господи и Боже наш.

Диакон (если его нет, то священник не произносит): Помолитеся.

Хор: Господи, помилуй.

Иерей благословляет народ: Миp всем.

Хор: И духови твоему.

Иерей читает молитву преломления:

Благословен еси, Христе Боже Вседержителю, Искупителю Своея Церкве. О Слове, Егоже предуведели Самаго, и Человече, Егоже предвидели Самаго. Иже непостижимым Твоим воплощением уготовал еси нам хлеб небесный, сие Тело Твое, егоже положил еси едино таинство и всесвятое во всяческих, исполнил еси нам чашу от лозы истинныя, от божественнаго и пречистаго Твоего ребра. Иже и по еже дати Духа излиявый из него кровь и воду во освящение всего мира. Стяжи нас, благий Господи, недостойных рабов Твоих, сотвори нас люди обновления, царское священство, народ святый. Освяти и нас, Боже, якоже освятил еси предлежащия и святыя дары сия, и сотворил еси я невидимая из видимых.

Господи Боже Спасителю наш Иисусе Христе! Ты убо многаго ради благоутробия Твоего, удостоил еси нас через святое Крещение быти сынами и наследниками Тебе. Научил еси нас образу молитвы, еже молитися в ней пречистому Твоему Отцу. Ты убо и ныне, Владыко Господи, удостой нас во освященней совести и помышлении благом, иже подобает совершенным, и с теплою любовию и дерзновением благим смети называти Отцем Тебе, Иже на небесех.

Народ и хор поют (или читают) Молитву Господню.

Иерей: Яко Твое есть Царство и сила, и слава во веки веков.

Хор: Аминь.

Иерей:

Ей, Господи, Господи, давый нам власть наступати на змию и на скорпию, и на всякую силу вражию, сокруши и подчини главы врагов наших под ноги наша вскоре, и всякую злохитрость их, замышляемую против нас, разори.

Яко Ты ecи Царь и Спаситель всех, Христе Боже, и Тебе славу и благодарение, и поклонение возсылаем на всякий день, со Безначальным Твоим Отцем и Святым Духом, ныне и присно и во веки веков.

Хор: Аминь.

Диакон (если его нет, то священник): Главы наша Господеви приклоним.

Хор: Тебе, Господи.

Иерей тихо читает молитву главоприклонения:

Приклонивший небеса и сошедший на землю во спасение рода человеческаго, иже Твоею благодатию вся исправил еси на ней, творящий вся преизобильно яже просим или помышляем.

Человеколюбче Благий, простри руку Твою невидимую благословенную, исполненную милости и щедрот, и, благословляя, благослови рабов Твоих, и очисти их от всякия скверны плоти и духа. И сотвори нас причастники и сродники быти Твоей благодати, яко да во освящении и праведности Тебе мольбу приносяще, достойно причастимся предлежащих нам благих, пречистаго Тела Твоего и честныя Крове Твоея.

Возглас: Ты бо поклоняемый и препрославленный Сый, и Тебе подобает всякая слава, величие, держава же и власть, вкупе с Пречистым Твоим Отцем и со Святым Духом, ныне и присно и во веки веков.

Хор: Аминь (протяжно).

Иерей, тихо: Вонми, Господи Иисусе Христе, Боже наш, от святаго жилища Твоего и от престола славы Царствия Твоего, и прииди во еже освятити нас, приклонившихся Тебе, Иже горе со Отцем седяй и зде нам невидимо спребываяй. И сподоби державною Твоею рукою преподати нам пречистое Тело Твое и честную Кровь, и нами всем людям.

Диакон (если его нет, то священник не произносит): Вонмем Богу со страхом.

Иерей благословляет народ: Мир всем.

Хор: И духови твоему. Господи помилуй (протяжно).

Иерей тихо читает молитву освобождения:

Агнче Божий, вземляй грех мира, всечистую Кровь Свою излиявый за жизнь мира, и во искупление и измену всех Себе предавый, от смерти искупивый, в нейже держими бехом, проданы под грехом. Иже боящихся Его творяй волю и моления их, слышай и спасаяй их. Иже праведнаго Иова послушал еси, востававшаго заутра и о чадех возлюбленных жертвы приносившаго и глаголавшаго: не помыслят когда сыны мои в сердцах своих лукавая на Бога.

И мене, смиреннаго и грешнаго и непотребнаго раба услыши, умоляющаго о Твоих ближних, отцех моих и братиях, и о моем ничтожестве. Милостивым лицем и тихим оком призри на нас в час сей, и отпусти нам всякое наше отвержение и всякое преступление и преслушание закона и Твоих заповедей, еще же и всякую совесть, и всякое памятозлобие, и всякия дела, и всякия движения, обретающияся в нас, денно же и нощно связующия и обладающия душею. И свободи нас от всякия совести лукавыя, и всякаго безплоднаго дела, и всякаго помышления разжженнаго, еже оскверняет чистоту души. Даруй нам грехов познание и еже совершенно отвратитися от них. Даруй нам чистоту покаяния и еже к Тебе обращение.

Ты бо, Владыко Господи, обнищал еси волею во еже Тебе воплотитися ради спасения рода нашего, и раздрал еси еже на ны рукописание на кресте Твоих божественных дланий простертием. Сохрани всех, Владыко любодушне, яко всяческая работна Тебе, и от Тебе всякое наше начинание, и ничтоже деется рукама нашима. Сего ради Твое Царствие прославляем и воспеваем Тя, Христе Боже наш. Исполни нас страхом Твоим и исправи во благо волю Твою.

(Возгласно) Ты бо еси Бог наш, и Тебе подобает слава, честь и поклонение Отцу и Сыну и Святому Духу ныне и присно и во веки веков.

Хор: Аминь.

Иерей возгласно: Тело и кровь.

Диакон (если его нет, то священник): Со страхом Божиим вонмем.

Иерей возвышает св. Хлеб, возглашая: Святая святым.

Хор: Господи, помилуй. Един Отец Святый, един Сын Святый, един Дух Святый. Аминь.

Иерей выходит на амвон и благословляет народ: Господь со всеми вами.

Хор: И со духом твоим.

Иерей, на амвоне, воздев руки: Благословен Господь во веки.

Хор: Аминь.

Иерей снова благословляет народ: Миp всем.

Хор: И духови твоему (протяжно).

Иерей заходит в алтарь, преломляет св. Хлеб на четыре части по надрезу, добавляет теплоту в св. Чашу тихо говоря: Теплота веры, исполненная Духа Святаго. Аминь.

И возглашает: Тело святое и Кровь честная, истинная, Иисуса Христа, Сына Божия. Аминь.

Хор: Аминь.

Иерей полагает частицу св. Хлеба «ИС» в Чашу и возглашает:

Тело и Кровь Эммануила Бога нашего, сие есть воистину. Аминь.

Хор: Аминь.

Диакон (если его нет, то священник): В мире и любви.

Иерей возглашает:

Непостижимый Боже, Слово невместимое, вечное, приими от нас грешных, от недостойных уст пение с вышними силами. Тебе бо подобает всякая слава, честь и поклонение со безначальным Твоим Отцем и животворящим Духом во вся веки веков.

Хор: Аминь (протяжно).

Закрывается катапетасма и выносится на амвон свеча.

Хор поёт Пс. 150:

Хвалите Бога во святых Его, хвалите Его во утвержении силы Его.
Хвалите Его на силах Его, хвалите Его по множеству величествия Его.
Хвалите Его во гласе трубне, хвалите Его во псалтири и гуслех.
Хвалите Его в тимпане и лице, хвалите Его во струнах и органе.
Хвалите Его в кимвалех доброгласных, хвалите Его в кимвалех восклицания. Всякое дыхание да хвалит Господа.

И другие причастные песнопения, пока не откроется завеса.

Иерей покланяется перед престолом, раздробляет часть «ХС» по числу причащающихся священнослужителей, даёт частицу диакону, принимает частицу сам и, преклонившись, читает молитву перед причащением:

Верую, верую, верую и исповедую до последняго дыхания, яко сия есть Плоть животворящая, юже приял еси, Христе Боже наш, от святыя Владычицы нашея Богородицы и Приснодевы Марии, и сотворил еси ю едину с Божеством Твоим, ни в смешении, ни в разделении, ни в слиянии, ни в изменении, и засвидетельствовал еси при Понтийстем Пилате доброе исповедание, и предал еси ю за всех нас, взем на древо Креста святаго, по воле Твоей.

Воистину верую, яко Божество Твое никакоже отделися от человечества Твоего ни на един миг, ниже на мгновение ока. Предал еси е во искупление и во оставление грехов и в жизнь вечную от нея причащающимся.

Верую, яко сие есть воистину. Аминь.

Затем испивает из Святой Чаши, произнося:

Кровь Христова — Чаша Жизни. Во имя Отца и Сына и Святаго Духа. Аминь.

И причащает диакона со теми же словами.

Причастившись, иерей раздробляет оставшийся Агнец на необходимое количество частиц, ссыпает их в Чашу, отверзает катапетасму и возглашает:

Со страхом Божиим, верою и любовию приступите.

Хор: Благословен грядый в имя Господне, Бог Господь и явися нам.

Священник читает обычную молитву перед причащением «Верую, Господи и исповедую», или молитву этой литургии:

Верую, верую, верую и исповедую до последняго дыхания, яко сия есть Плоть и Кровь животворящая, юже приял еси, Христе Боже наш, от святыя Владычицы нашея Богородицы и Приснодевы Марии, и сотворил еси ю едину с Божеством Твоим, ни в смешении, ни в разделении, ни в слиянии, ни в изменении, и засвидетельствовал еси при Понтийстем Пилате доброе исповедание, и предал еси ю за всех нас, взем на древо Креста святаго, по воле Твоей.

Воистину верую, яко Божество Твое никакоже отделися от человечества Твоего ни на един миг, ниже на мгновение ока. Предал еси е во искупление и во оставление грехов и в жизнь вечную от нея причащающимся.

Верую, яко сие есть воистину. Аминь.

После чего причащает мирян по обычаю.

Хор поёт причастный стих: Вкусите и видите, яко Благ Господь.

После причащения мирян хор поёт: Аллилуия. И 33-й псалом.

Священник кадит св. сосуды и в благоговейном молчании переносит их на жертвенник, потребляет Дары, возвращается к Престолу, сворачивает антиминс и полагает на него Евангелие.

Если есть диакон, то уносит сосуды и потребляет св. Дары он. Затем диакон (если его нет, то священник) возглашает:

Восстаните на молитву.

Иерей благословляет народ: Мир всем.

Хор: И духови твоему.

Диакон (если его нет, то священник): Помолимся после Святаго Причащения.

Хор: Господи, помилуй.

Иерей: Благодарим Тя, Слове Божий Истинный, Иже от сущности безначальнаго Отца, яко тако возлюбил еси нас и в Жертву дал еси Себя за нас.

Даруй нам чрез пречистое Твое Тело и честную Твою Кровь искупление, яко сподобил еси нас ныне, Человеколюбче, прияти от них благодарение.

Сего ради ныне исповедуем Тя, Человеколюбче Блаже, и тебе славу и честь, и поклонение непрестанно воссылаем, со Безначальным Твоим Отцем и Святым Твоим Духом, ныне и присно и во веки веков.

Хор: Аминь.

Диакон (если его нет, то священник): Главы ваша Господеви приклоните.

Хор: Тебе, Господи.

Иерей читает на амвоне с Крестом отпуст:

Боже, пребывающий прежде бытия всякой твари, пришедый в мир просветити его, воплотивыйся, вочеловечивыйся и распныйся за ны, и волею страдавый плотию, и пребывый бесстрастен, яко Бог, и погребыйся, и воскресый в третий день, и возшедый на небеса, и седяй одесную величества славы Отца, Божественнаго же и святаго, и единосущнаго, и единосильнаго, и единославнаго, и совечнаго Духа пославый на святыя Твоя ученики и апостолы, и чрез Него просветивый их, чрез них же всю вселенную, Христе, истинный Боже наш.

И ангелов четверообразных животных бестелесных, и ангелов, дванадесяти четырех старцев. Святаго славнаго пророка, Предтечи, Крестителя и мученика Иоанна. Святаго Стефана, перводиакона и первомученика, божественных, священных, славных апостолов, победоносных пророков и добропобедных мучеников. Святаго и блаженнаго отца нашего Марка, апостола и евангелиста, святителя Григория Богослова (здесь поминается святой дня) и всех святых Твоих.

Спаси и помилуй, и благослови вся христианы, и Тебе слава и честь, и поклонение со Безначальным Твоим Отцем и Святым Духом, ныне и присно и во веки веков.

Хор: Аминь.

Диакон (если его нет, то священник): В мире Божием совершися Божественная Литургия, юже устави иже во святых отец наш Богослов Григорий.

Хор поёт уставное МНОГОЛЕТИЕ.

Священник произносит напутственное слово и дает верным лобызать св. Креста чтец читает благодарственные молитвы. Затем священник осеняет крестом народ и возвращается в алтарь.

Царские врата и завеса закрываются.

© 2006-2009, игумен Силуан (Туманов)