После 9 часа и изобразительных начинается вечерня.
Диакон: Благослови Владыко!
Иерей: Благословено Царство Отца, и Сына, и Святаго Духа ныне, и присно и во веки веков.
Хор: Аминь.
Чтец «Приидите, поклонимся» и 103 псалом. Слава: и ныне.
Затем без ектений и светильничных молитв чтец читает посреди храма 18 кафизму.
(Если Дары хранятся на престоле, то здесь они с каждением и преклонением переносятся на жертвенник).
Затем сразу поются псалмы «Господи воззвах» и стихиры Триоди и Минеи на 6. Диакон кадит храм.
При пении Богородична священник и диакон совершают вход с кадилом, проходя до западных врат храма и возвращаясь к солее. Впереди диакона из алтаря идет свещеносец с зажженной свечой и становится на солее у иконы Спасителя. Священнослужители останавливаются пред царскими вратами — священник посредине, диакон — немного правее. Держа орарь тремя перстами правой руки и склонившись к священнику, диакон тихо говорит: «Господу помолимся».
Священник произносит молитву: «Вечер, и заутра, и полудне хвалим, благословим, благодарим и молимся Тебе, Владыко всех; исправи молитву нашу, яко кадило пред Тобою, и не уклони сердец наших в словеса или в помышления лукавства; но избави нас от всех ловящих души наша, яко к Тебе, Господи, Господи, очи наши, и на Тя уповахом, да не посрамиши нас, Боже наш. Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков. Аминь».
По окончании молитвы священник творит поклон, и диакон, показуя орарем к востоку, говорит священнику: «Благослови, владыко, святый вход». Священник крестообразно благословляет к востоку, произнося: «Благословен вход святых Твоих всегда, ныне, и присно, и во веки веков». Диакон тихо отвечает: «Аминь» и кадит священника. По окончании пения, диакон возглашает:
Премудрость, прости.
И входят в алтарь.
Хор: Свете Тихий святыя Славы Безсмертнаго Отца Небеснаго, Святаго Блаженнаго, Иисусе Христе, пришедше на запад солнца, видевше свет вечерний, поем Отца, Сына и Святаго Духа Бога. Достоин еси во вся времена пет быти гласы преподобными, Сыне Божий, живот даяй, темже мир Тя славит.
После «Свете тихий» хор поет на 4-й глас:
Аллилуия, аллилуия, аллилуия.
Чтец входный тропарь: Тебе подобает песнь, Боже, в Сионе.
Хор: Аллилуия, аллилуия, аллилуия.
Чтец: И тебе воздастся молитва во Иерусалиме.
Хор: Аллилуия, аллилуия, аллилуия.
Диакон, выйдя на амвон: Паки, преклоньше колена, прилежно в мире Господу помолимся.
Все встают на колени и произносят: Господи, помилуй!
Диакон: Силою и милостию Божией возстанем.
Все встают и произносят: Господи, помилуй.
Диакон: О мире всего мiра и единении святых Божиих православных Церквей, Господу помолимся.
Хор, простым напевом: Господи, помилуй!
Диакон: О спасении и заступлении святого отца нашего (имя и сан архиерея), всем клире, властех, воинстве и народе страны нашей, Господу помолимся.
Хор: Господи, помилуй!
Диакон: Об оставлении грехов и прощении прегрешений наших, и о еже избавитися и спасения нам от всякия скорби, гнева и нужды, и нашествия врагов, Господу помолимся.
Хор: Господи, помилуй!
Диакон: О граде сем и стране, и о в вере живущих в них, о мире и безмятежии их Господу помолимся.
Хор: Господи, помилуй!
Диакон: Пресвятую, пречистую, благословенную Владычицу нашу Богородицу и приснодеву Марию, честных безплотных архангелов, святаго Иоанна, славнаго пророка, предтечу и крестителя, божественныя и всехвальныя апостолы, пророки, и добропобедныя мученики, и вся святыя и праведныя помянувши, да молитвами их и предстательством все помилованы будем.
Хор: Господи, помилуй!
Иерей произносит молитву вечернюю: Благословен еси, Господи, Владыко Вседержителю, просветивший день светом солнечным, ночь же зарями огненными. Сподобивший нас долготу дня прейти и приблизиться к началу ночи. Услыши моления наши и всех людей Твоих и всем нам прости вольная и невольная согрешения. Приими наши вечерние молитвы и ниспосли множество милости и щедрот Твоих на достояние Твое. Защити нас святыми Твоими ангелами, вооружи нас оружием праведности, огради нас истиной Твоею, сохрани нас силою Твоею. Избавь нас от всякого насилия и всяких нападений вражеских. Подай же нам и вечер сей с приходящей ночью совершенный, святой, мирный, безгрешный, без соблазнов и мечтаний, как и вся дни жизни нашей. Молитвами святыя Богородицы и всех святых от века Тебе благоугодивших.
Громче: Твое бо есть, еже миловати и спасати нас, Боже наш, и Тебе славу и благодарение возсылаем: Отцу и Сыну и Святому Духу, ныне и присно и во веки веков.
Хор: Аминь.
Диакон: Вонмем.
Иерей: Мир всем.
Хор: И духови твоему.
Диакон: Премудрость.
Чтец первый прокимен дня.
Диакон: Вонмем.
Чтение из Бытия и Исаии пророка (с 6-го часа).
Второй прокимен и чтение из Притчей.
***
Если читается Евангелие, то диакон возглашает:
И о сподобитися нам слышанию святаго Евангелия Господа Бога молим.
Хор: Господи, помилуй (трижды).
Диакон: Станем благоговейно, услышим Святаго Евангелия.
Иерей: Мир всем.
Хор: И духови твоему.
Диакон: Внемлем святому чтению.
И читает Евангелие.
После чтения хор: Слава Тебе, Господи.
***
Сразу после чтений все поют:
Сподоби, Господи, в вечер сей без греха сохранитися нам. Благословен еси Господи, Боже отец наших, и хвально и прославлено имя Твое во веки. Аминь. Буди, Господи, милость Твоя на нас, якоже уповахом на Тя. Благословен еси Господи, научи мя оправданием Твоим. Благословен еси Владыко, вразуми мя оправданием Твоим. Благословен еси Святый, просвети мя оправдании Твоими. Господи, милость Твоя вовек, дел руку Твоею не презри, Тебе подобает хвала, Тебе подобает пение, Тебе слава подобает, Отцу и Сыну и Святому Духу, ныне и присно и во веки веков. Аминь.
Хор поёт стихиры на стиховне с обычными стихами, мученичен и богородичен.
Диакон после пения: Внемлем! Паки преклоньше колена, усердно Господу помолимся.
Все встают на колени и произносят: Господи, помилуй.
Диакон: Силою и милостию Божией возстанем.
Все встают и произносят: Господи, помилуй.
Диакон: О мире всего мiра и единении всех святых Божиих православных Церквей, Господу помолимся.
Хор, простым напевом: Господи, помилуй!
Диакон: О спасении и заступлении святого отца нашего (имя правящего архиерея, сан), всего клира и христолюбивых людей, Господу помолимся.
Хор: Господи, помилуй!
Диакон: Об оставлении грехов и прощении согрешений наших, и о еже избавитися и спастися нам от всякия скорби, гнева, нужды и возстания врагов, Господу помолимся.
Хор: Господи, помилуй!
Диакон: Святых славных апостолов, пророков, и добропобедных мучеников, и всех святых и праведных помяне́м, яко да молитвами их и предстательством вси помиловани будем.
Хор: Господи, помилуй!
Диакон: Вечера всего совершенна, свята, мирна и безгрешна у Господа просим.
Хор: Подай, Господи.
Диакон: Ангела мирна, верна наставника, хранителя душ и телес наших у Господа просим.
Хор: Подай, Господи.
Диакон: Прощения и оставления грехов и прегрешений наших у Господа просим.
Хор: Подай, Господи.
Диакон: Добрых и полезных душам нашим, и мира мiрови у Господа просим.
Хор: Подай, Господи.
Диакон: Прочее время жизни нашей в мире и покаянии скончати у Господа просим.
Хор: Подай, Господи.
Диакон: Христианския кончины жизни нашей, безболезненной, непостыдной, мирной и добраго ответа на страшнем суде Христовом просим.
Хор: Подай, Господи.
Диакон: Пресвятую, пречистую, преблагословенную, славную Владычицу нашу Богородицу и Приснодеву Марию со всеми святыми помянувши, сами себя и друг друга, и всю жизнь нашу Христу Богу предадим.
Хор: Тебе, Господи.
Иерей читает молитву: Владыко Господи Боже Отче Вседержителю, подавший нам день для трудов и нощь ко отдохновению. Тебе вечернее сие благодарение приносяще, припадаем и молимся: сохрани нас Твоею благодатию, преуспевающим от младенчества пребывати в совершенстве, пройти нынешним житием к будущей вечной славе.
Громче: Яко свято и прославлено всесвятое имя Твое: Отца, и Сына, и Святаго Духа, ныне и присно, и во веки веков.
Хор: Аминь.
Иерей: Мир всем.
Хор: И духови твоему.
Диакон: Главы наши ко Господу приклоним.
Хор: Тебе, Господи.
Иерей читает молитву главопреклонения: Владыко Человеколюбче Господи! Настави нас миром Твоим и соблюди души наши силою Твоею. Яко да милостию Твоея благости достойны будем освятить и наступающую ночь.
Громче: О Христе Иисусе Господе нашем, с Ним же Тебе славу возсылаем, Безначальному Отцу со святым Духом, ныне и присно, и во веки веков.
Хор: Аминь.
***
Диакон: Оглашеннии, главы ваша ко Господу приклоните.
Хор: Тебе, Господи.
Иерей: Благослови ныне, Господи, рабов Твоих сих оглашенных, призванных Тобою призванием святым к дивному Богопознания свету. И даруй им разумение истины учений, в них же наставлены были. О истинный Пастырю! Исполни их Духа Святаго, дабы и им стать овцами (словеснаго стада) Твоего, запечатленным печатию святаго Твоего Духа, и да будут достойными членами Тела Церкви Твоей Святой, и да сподобятся в будущем веке истинной и блаженного упования в Царствии небесном.
Громче: Да и тии с нами славят пречестное и великолепое имя Твое, Отца, и Сына, и Святаго Духа, ныне и присно, и во веки веков.
Хор: Аминь.
Диакон: С миром изыдите, оглашеннии. Иже ко просвещению, ко благословению приступите. Преклонитесь.
Хор: Тебе, Господи.
Иерей благословляет готовящихся к (скорому) крещению, говоря:
Господи Святый, в вышних пребывающий и всевидящим Твоим оком взирающий на сотворенное Тобою. Тебе преклоняем главу сердца, и тела нашего, и молим Тебя: простри святую Твою и невидимую руку от святаго жилища Твоего и благослови всех нас. И если чем согрешили вольно или невольно, яко благой и человеколюбивый Бог, прости, даруя нам и житейские блага Твоя.
Громче: Яко Бог милости и щедрот еси, и Тебе славу возсылаем: Отцу, и Сыну, и Святому Духу, ныне и присно, и во веки веков.
Хор: Аминь.
Диакон: Восстаните. С миром изыдите. Иже ко просвещению, оглашение помянувше, со тщанием приступите.
Иерей благословляет крещающихся:
Ты, милостиве Боже, наставивший людей к познанию Твоему, призвавший их к уразумению Твоея истины. Воззри на рабов Твоих оглашенных и научи их праведности Твоей, умудри их во страхе Твоем, сподоби их сего омовения возрождения и присоедини их к святой Твоей кафолической Церкви.
Громче: Яко подобает Тебе всякая слава, честь, и поклонение: Отцу, и Сыну, и Святому Духу, ныне и присно, и во веки веков.
Хор: Аминь.
Диакон: В мире воспойте Христу.
Хор на 6-й глас: Да исправится молитва моя яко кадило пред Тобою, воздеяние руку моею жертва вечерняя (трижды).
Иерей кадит вокруг престол.
Хор: Ныне отпущаеши раба Твоего, Владыко, по глаголу Твоему, с миром; яко видеста очи мои спасение Твое, еже еси уготовал пред лицем всех людей, свет во откровение языков, и славу людей Твоих Израиля.
Чтец: Господи помилуй (40 раз).
Диакон: Да никто от оглашенных, да никто от непосвященных, да никто от немогущих молитися с нами. Приветствуйте друг друга. Двери затворите. Станьте благоговейно вси.
Хор: Ныне Силы Небесныя с нами невидимо служат, се бо входит Царь Славы, се жертва тайная совершена дориносится. Верою и любовию приступим, да причастницы жизни вечныя будем. Аллилуиа, аллилуиа, аллилуиа.
Священник раскрывает антиминс. Диакон кадит престол и алтарь. Потом отходят к жертвеннику, священник омывает руки. Затем они в молчании переносят дары на престол. Снимает покровцы́, накрывает возду́хом и кадит трижды.
***
Диакон после входа и окончания пения:
В премудрости Божией вонмем.
Иерей: Верую во единаго Бога.
Все: Отца, Вседержителя, Творца небу и земли, видимым же всем и невидимым. И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век: Света от Света, Бога истинна от Бога истинна, рожденна, не сотворенна, единосущна Отцу, Имже вся быша. Нас ради человек и нашего ради спасения сшедшаго с Небес и воплотившагося от Духа Свята и Марии Девы, и вочеловечшася. Распятаго же за ны при Понтийстем Пилате, и страдавша, и погребена. И воскресшаго в третий день, по писанием. И возшедшаго на Небеса, и седяща одесную Отца. И паки грядущаго со славою судити живым и мертвым, Егоже Царствию не будет конца. И в Духа Святаго, Господа, животворящаго, Иже от Отца исходящаго, Иже со Отцем и Сыном спокланяема и сславима, глаголавшаго пророки. Во едину святую, соборную и Апостольскую Церковь. Исповедую едино крещение во оставление грехов. Чаю воскресения мертвых, И жизни будущаго века. Аминь.
***
Диакон: Станем благоговейно. В мире Господу помолимся.
Хор: Господи, помилуй.
Иерей: Человекобивый Боже и Владыко всех! Достойными часа сего соделай нас, недостойных, да очистившись от всякого коварства и лицемерия соединимся друг другу союзом мира и любви, утверждени Твоего боговедения освящением, о Господе и Боге и Спасе нашем Иисусе Христе.
Громче: Яко Бог милости, любви, щедрот и человеколюбия еси, и Тебе славу возсылаем: Отцу, и Сыну, и Святому Духу, ныне и присно, и во веки веков.
Хор: Аминь.
Иерей: Мир всем.
Хор: И духови твоему.
Диакон: Главы наша ко Господу преклоним.
Хор: Тебе, Господи.
Иерей, преклонившись, молится:
Единый Господи и милостивый Боже, в вышних пребывающий и к смиренным благосклонный! Преклонившим главы своя пред святым Твоим жертвенником и ожидающим от Тебя Дара духовного ниспошли благодать Твою и благослови всех нас благословением духовным.
Громче: Яко хвально и поклоняемо и прославлено всесвятое имя Твое: Отца, и Сына, и Святого Духа, ныне и присно и во веки веков.
Хор: Аминь.
Диакон: Господи, благослови.
Иерей благословляет (народ): Благословен Бог, благословляющий и освящающий всех нас к предстоянию и священнодействию Пречистых Его Таин, ныне и присно, и во веки веков.
Хор: Аминь.
Диакон: В мире Господу помолимся.
Хор: Господи, помилуй.
Диакон: Заступи, спаси, помилуй и сохрани нас, Боже, Твоею благодатию.
Хор: Господи, помилуй!
Диакон: О мире свыше и Божием человеколюбии, о единомыслии и спасении душ наших, Господу помолимся.
Хор: Господи, помилуй!
Диакон: О мире всего мира и единении святых Божиих православных церквей, Господу помолимся.
Хор: Господи, помилуй!
Диакон: О спасении и заступлении святого отца нашего (имя и сан правящего архиерея), всего клира и христолюбивых людей, Господу помолимся.
Все: Господи, помилуй!
Диакон: О Богом хранимой стране нашей Российской властех, воинстве и православных людях ея, Господу помолимся.
Все: Господи, помилуй!
Диакон: О граде сем, всяком граде и стране, и иже в православной вере и благочестии Христовом живущих в них, о мире и безмятежии их, Господу помолимся.
Хор: Господи, помилуй!
Диакон: Об оставлении грехов и прощении согрешений наших, и о еже избавитися и спастися нам от всякия скорби, гнева, принуждения и возстания врагов, Господу помолимся.
Диакон: О еже услышатися и благоприятну быти молению нашему пред Богом, да ниспошлет богатые милости и щедроты Своя на всех нас, и да удостоимся небесного Царства, усердно молим Тебя: (услыши и помилуй).
Хор: Господи, помилуй!
Диакон: О соблюдающих сей святый пост и совершающих моления, и пришедших поклонитися Господу нашему Иисусу Христу, и о всех православных христианах, по всему миру во святых церквах молящихся, Господу помолимся.
Хор: Господи, помилуй!
Диакон: Пресвятую и преблагословенную, пречистую Владычицу нашу Богородицу и приснодеву Марию, честных безплотных архангелов, святаго Иоанна, славнаго пророка, предтечу и крестителя, божественных, священных, славных апостолов, пророков, страстотерпцев и добропобедных мучеников, со всеми святыми и праведными помянем, яко да молитвами и предстательством их вси помиловани будем.
Хор: Господи, помилуй.
Диакон: И о предложенных и преждеосвященных, честнех, славных, пренебесных, таинственных, страшных (приводящих в трепет), божественных дарех и о спасении предстоящего и приносящего их святаго отца нашего и архиерея (иерея) (имя рек) Господа Бога молим.
Хор: Господи, помилуй (трижды).
Иерей, преклонившись, молится во время ектении тихо:
Слава в вышних Богу и на земли мир, в человецех благоволение! (трижды).
Господи, устне мои отверзеши, и уста моя возвестят хвалу Твою. (трижды).
Да исполнятся уста наша хваления Твоего, Господи, яко да воспоем славу Твою, весь день великолепие Твое. (трижды).
Отца, и Сына, и Святого Духа, ныне и присно и во веки веков.
Призревшый на нас милостию и щедротами, Владыко Господи, и даровавший дерзновение нам, смиренным и грешным и недостойным рабам Твоим, предстояти святому Твоему жертвеннику и приносити Тебе страшную сию жертву о наших грехах и о людских неведениях. Призри на мя, непотребнаго раба Твоего, и очисти моя уста и сердце от всякой скверны плоти и духа, и отстави от мене всякий помысл срамный же и неразумный, и удостой мя, силой Всесвятаго Твоего Духа в службу сию, и приими мя ради Твоея благости, приближающагося к святому Твоему жертвеннику, и благоволи, Господи, приятным быти приносимым Тебе даром сим руками нашими, снисходяще к моим немощем, и не отвержи мене от лица Твоего, ниже возгнушайся моего недостоинства, но помилуй мя, Боже, и по множеству щедрот Твоих презри беззакония моя, яко да неосужденно пришед пред славу Твою, сподоблюся покрова единороднаго Твоего Сына и озарения Всесвятаго Твоего Духа, и не яко раб греха отвержен буду, но яко раб Твой обрету благодать и милость и оставление грехов в сем и будущем веке. Ей, Владыко Вседержителю, Всесильне Господи, услыши моление мое! Ты бо еси вся действуяй во всех, и от Тебе вси чаем во всех помощи же и заступления, и от Единороднаго Твоего Сына и Животворящаго Духа ныне и присно и во веки веков.
Господи Вседержителю! Неизреченне, неизследне, непостижиме, недоведоме и несказанне Господи, иже Един имеяй безсмертие и державу, живый во свете непостижимом, приими молитву нашу и прошение и моление всех святыхТвоих, и даждь нам преждеосвященную сию службу имени Твоему совершити в час сей пришествием Духа Святаго Твоего, не в суд, и не во осуждение, и не во обличение грехов наших, но во исцеление и жизнь вечную, во трезвение и освящение, в преподобие и помощь яже от Тебе, Господи.
После ектении, возглас:
О Христе Иисусе, Господе нашем, с Ним же Тебе и славу возсылаем, безначальному Отцу, со Святым Духом, ныне и присно и во веки веков.
Хор: Аминь.
Диакон: Исполним молитву нашу ко Господу, яко полны Небо и земля славы Его.
Хор: Господи, помилуй.
Диакон: О предложенных и преждеосвященных честных Дарех Господу помолимся.
Хор: Господи, помилуй.
Диакон: Яко да Господь Бог наш, приняв их во святый и духовный Свой жертвенник, в благоухание (духовное), возниспослет нам божественную благодать и дар всесвятого Духа, помолимся.
Хор: Господи, помилуй.
Единения в вере и причастие и дары Святаго Духа испросивше, сами себя, и друг друга, и всю жизнь нашу Христу Богу предадим.
Хор: Тебе, Господи.
Иерей, приклонив голову, читает молитву перед «Отче наш»:
Господи сердцеведче! Иже веси всех человек помышления и всяческая сведый прежде сбытия их, призри с небесе посещением Твоим и благоутробием и помилуй нас, и приими моление наше и прошение, и очисти уста наши и душу от всякой скверны духа и плоти, и утверди нас благоприятны со дерзновением и очищением в сем преждеосвященном приношении.
Громче: И даждь нам, Господи, приемый яко дар неосужден сие преждеосвященное таинство, смети и призывати Тебе, небеснаго Бога, святаго Отца милостива, и глаголати: Отче наш,
Все вместе:
иже еси на небесех, да святится имя Твое, да приидет царствие Твое, да будет воля Твоя, яко на небеси и на земли. Хлеб наш насущный даждь нам днесь: и остави нам долги наша, якоже и мы оставляем должником нашим: и не введи нас во искушение, но избави нас от лукаваго.
Иерей, склонившись, тихо молится:
И не введи нас во искушение, Господи, Господи Боже отец наших, но избави нас от лукавого, и от дел его, и от всяких нападок и козней его, ради имени Твоего святаго, нареченного на нашем смирении.
Громче: Яко Твое есть Царство, и сила, и слава, Отца и Сына и Святаго Духа, ныне и присно и во веки веков.
Хор: Аминь.
Иерей, благословляя: Мир всем.
Хор: И духови твоему.
Диакон: Главы наши ко Господу преклоним.
Хор: Тебе, Господи.
Иерей, преклонившись, молится:
Тебе приклониша, рабы Твои, сердца свои, чающие от Тебе дара духовнаго и богатыя милости. И ныне богатую благодать низпосли нам, Владыко, и очисти души наши, и духи, и телеса, яко да достойными будем причастниками небесных Твоих Таин во оставление грехов и в напутствие жизни вечной.
Громче: Яко благословися, освятися и прославися имя Твое: Отца и Сына и Святаго Духа, ныне, и присно, и во веки веков.
Хор: Аминь.
Иерей, благословляя: И да будет благодать и милость святыя и единосущныя, и покланяемыя Троицы со всеми вами.
Хор: И со духом твоим.
Диакон: Со страхом Божиим вонмем.
Архиерей (иерей), знаменует Святый Хлеб крестообразно и тихо молится. В это время люди в полном молчании склоняют головы.
Святый, во святых почивающий Господи! Освяти нас словом Твоея благодати и наитием всесвятаго Твоего Духа. Ты бо еси рекл, Владыко: «святи будите, якоже Аз свят есмь», Господь Бог ваш.
Непостижиме Боже, Слове, Отцу и Духу единосущне, собезначальне, соцарственне и совечне! Приими от нас песнь во святой и безкровной сей жертве, от херувимов и серафимов принимающий немолчное славословие! И меня, грешного и непотребнаго раба Твоего, не отвергни, вопиющего и глаголющего:
Возгласно, приподнимая или касаясь Агнца под возду́хом: Преждеосвященныя дары, святая святым.
Хор: Един Свят, Един Господь, Иисус Христос, во славу Бога Отца. Аминь.
Диакон: Помолимся вси о спасении, благом житии и долгоденствии святаго отца нашего (имя рек, сан епархиального архиерея), всего клира и христолюбивого народа и о еще милостиву и скорому на слышание молитв наших быти благому и человеколюбивому Богу, снисходительну ко грехам нашим, и да помилует нас по великой милости человеколюбия Своего, и да простит нам всякое прегрешение, вольное и невольное. И о всякой душе христианской, скорбящей же и бедствующей, в милости и помощи Божией нуждающейся.
Хор: Господи, помилуй.
Диакон: Паки о Богом хранимой стране нашей Российской, властех, воинстве и православных людях ея, и о еже избавити нас от врагов видимых и невидимых, в нас же утвердити единомыслие, братолюбие и благочестие.
Хор: Господи, помилуй.
Диакон: И о спасении и отпущении грехов рабов Божиих (имена живых), памяти и упокоении преподобных отцов наших, и братьев, и сестер (имена усопших) и всех христиан православных; помолимся все: Господи, помилуй!
Хор: Господи, помилуй (12 раз).
Диакон: В мире Христовом поем!
И входит в алтарь.
Хор поёт причастен: Вкусите и видите, яко благ Господь. Аллилуйя!
Чтец стихословит 33-й псалом. Слава: и ныне. Хор на каждый стих псалма поёт припев: Вкусите и видите, яко благ Господь. Аллилуйя!
Иерей снимает воздух с сосудов и звездицу, преломляет Святой Агнец на две части ИС/НИ и ХС/КА, и немного погружает их в Чашу, говоря:
Соединение пресвятого Тела и честныя Крове Господа и Бога и Спаса нашего Иисуса Христа.
Отделяет и полагает небольшую частицу в Чашу, говоря:
Соединися и освятися и совершися во имя Отца, и Сына, и Святаго Духа.
И раздробляет частицы для сослужащих и мирян.
Диакон: Господи, благослови.
Иерей: Благословен Бог, благословляющий и освящающий нас, во страхе Божием раздробляющих святыню сию, и всех, иже в вере хотящих причаститися Пречистых Таин Господа, и Бога, и Спаса нашего Иисуса Христа, ныне и присно и во веки веков.
Диакон: Аминь.
И вливает теплоту в Чашу.
Затем читает молитву перед причащением:
Владыко Христе Боже наш, небесный хлеб, пища всего мира! Согреших на небо и пред Тобою, и несмь достоин причаститися святых и пречистых Твоих Таин. Но ради благости Твоея и неизреченного долготерпения, достойна мя сотвори неосужденно и непостыдно причаститися пресвятаго Тела и честныя Крове во оставление грехов и жизнь вечную.
Затем причащается сам и преподает Святые Тайны клиру.
После причащения иерей: Слава Богу, освятившему и освящающему нас. Вознесися на небеса, Боже, и по всей земли слава Твоя, и царство Твое пребывает во веки веков.
Диакон: Господи, благослови.
Иерей: Благословено имя Бога нашего во вся веки веков.
Когда хор прекращает пение псалма, диакон исходит с Чашей на амвон, иерей с дискосом.
Диакон: Со страхом Божиим и верою приступите.
Хор: Благословен грядый во имя Господне.
Иерей: Владыко Христе Боже наш, небесный хлеб, пища всего мира! Согреших на небо и пред Тобою, и несмь достоин причаститися святых и пречистых Твоих Таин. Но ради благости Твоея и неизреченного долготерпения, достойна мя сотвори неосужденно и непостыдно причаститися пресвятаго тела и честныя крове во оставление грехов и жизнь вечную.
Тело святое и Кровь Господа и Бога, и Спаса нашего Иисуса Христа преподается верным во оставление прегрешений и в жизнь вечную.
Хор поёт причастен: Вкусите и видите, яко благ Господь.
Диакон становится у иконы Пресвятыя Богородицы, иерей с дискосом встает во святых вратах. Причащающиеся миряне приходят со смирением к иерею, и тот, держа в левой руке дискос со Святым хлебом, говорит: Тело Христово. Мирянин отвечает: Аминь. И влагает иерей часть Святого хлеба ему во уста. Вкусив, мирянин подходит к диакону. Диакон говорит: Кровь Христова, чаша жизни. Мирянин отвечает: Аминь. И испивает из Чаши один глоток.
Если священник служит без диакона, то причащает по обычаю лжицей.
После причащения всех хор поёт: Аллилуйя, аллилуйя, аллилуйя!
Иерей, ссыпав оставшиеся частицы в Чашу: Возвеселил нас, Боже, в соединении Твоем, и Тебе приносим песнь благодарственную, плод уст, исповедающе благодать Твою.
Хор: Да исполнятся уста наша хваления Твоего, Господи, и радости исполни уста наша, яко да воспоем славу Твою.
Приносится кадильница. Иерей кадит Дары трижды, произнося:
Благодарим Тебя, Спасителя всего мира, Бога, за вся благая, яже даровал еси нам, и за причащение святых и пречистых Твоих Таин. Приносим же Тебе и фимиам сей, моляся: сохрани нас под кровом крыл Твоих и сподоби до последнего нашего вздоха причащатися святынь Твоих во освящение душ и телес и в наследование Царства небеснаго.
Громче: Яко Ты еси освящение наше, Боже, и Тебе славу и благодарение воссылаем: Отцу, и Сыну, и Святому Духу, ныне и присно, и во веки веков.
Отдает сосуды диакону и сворачивает антиминс.
Хор: Аминь. Благодарим Тя, Христе Боже наш, яко сподобил еси нас причаститися пречистаго Тела и честныя Крове, промыслом Твоим приводящих нас в жизнь вечную. Аллилуйя, аллилуйя, аллилуйя.
Диакон, перенеся сосуды на жертвенник, выходит на амвон и произносит ектению:
Станьте благоговейно! Приняв святые, пречистыя, безсмертныя и животворящия Христовы Тайны во оставление грехов наших, достойно благодарим Господа.
Хор: Господи, помилуй.
Диакон: Яко да будет нам причащение святынь Его во отвращение от всякаго лукаваго деяния, в напутствие жизни вечной, и в общение и дар Святаго Духа, помолимся.
Хор: Господи, помилуй.
Диакон: Пресвятую и преблагословенную, пречистую Владычицу нашу Богородицу и приснодеву Марию со всеми святыми помянувше, сами себе, и друг друга, и всю жизнь нашу Христу Богу предадим.
Хор: Тебе Господи.
Иерей: Благодарим Тя, Господи благий и страшный (внушающий трепет), яко утаил еси сия от премудрых и разумных, и открыл еси младенцем. Ей, Отче, яко тако бысть благоволение пред Тобою. Ты бо сподобил еси нас восприяти Тело и Кровь Единороднаго Сына Твоего, Господа нашего Иисуса Христа. Молим Тя и умоляем: да не в осуждение вечное будет нам причащение сие, но во оставление грехов и в жизнь вечную.
Громче: Яко благословися и святися, и прославися всесвятое Имя Твое: Отца, и Сына, и Святаго Духа, ныне, и присно, и во веки веков.
Хор: Аминь.
Иерей благословляет: Мир всем.
Хор: И духови твоему.
Диакон: Главы наша ко Господу преклоним.
Хор: Тебе Господи.
Иерей читает молитву главопреклонения:
Боже и Отче Господа и Бога и Спаса нашего Иисуса Христа! Приклонивший небеса и сошедший на спасение рода человеческаго. Тебе приклонихом главы наша, ожидающе Твоего благословения. Простри же невидимую руку Твою и благослови всех нас благословением духовным.
Громче: Тебе бо подобает от всех нас всякое славословие, честь и поклонение, Отцу, и Сыну, и Святому Духу, ныне и присно, и во веки веков.
Хор: Аминь.
Диакон: В мире Христовом поем.
Хор: Буди имя Господне благословено от ныне и до века (трижды).
Диакон: С миром и любовию Божией изыдем.
Все: Именем Господним, благослови, отче.
Иерей: Упование всех концов земли, Христе Боже, установивший святыя дни поста сего через закон и пророков, и евангелистов ко очищению и спасению нашему. Сподоби и нас всех течение поста благоприятно завершить, веру непоколебимой соблюсти, и божественныя заповеди Твоя непорочно даже до конца сохранити. Ангелу же мирну заповедай сохранить входы наша и исходы, и стопы утвердити и исправити на пути праведности Твоей. Приняв же поста и коленопреклонения нашего святое время, воздай нам в благословениях духовных и благих дарех, и во святем и животворящем дни воскресения Твоего сподоби нас твоего света, яко да хвалим Тя, Единаго истиннаго Бога, и Тебе славу и благодарение возсылаем: Отцу и Сыну, и Святому Духу, ныне, и присно, и во веки веков.
Все: Аминь. Хор поёт обычные многолетия.

1-я редакция: Преосв. еп. Иероним (Шо), 2013
2-я, исправленная и дополненная редакция: СТДС, 2015
3-я, иг. Силуан (Туманов), СПб, 2018
************************************************************
Эта Литургия Преждеосвященных Даров св. ап. Иакова, переведенная с греческих источников еп. Иеронимом (Шо) и заметно исправленная по грузинским источникам преподавателем Свято-Троицкой семинарии в Джорданвилле В. Пермяковым.

Именно её известный литургист священник Михаил Желтов рекомендовал как единственно верную. Это и есть древняя иерусалимская версия, принятая в РПЦЗ, несколько измененная мною и местами «высветленная» по смыслу (добавлен мною ряд обрядовых действий, употребляемый в сегодняшней иерусалимской практике: Символ веры, Да исправится и пр.).